ကျမနှင့်ချစ်စရာကြောင်ဖြူလေး...

ကြောင်ကလေးနဲ့ ကျမ ပထမဦးဆုံး တွေ့ဆုံတဲ့နေ့က မိုးလေးတွေ ဖွဲဖွဲလေးရွာနေတဲ့ ကျောင်းပိတ်ရက်လေး တစ်ရက်ဖြစ်ပါတယ်..။ အလုပ်တွေလည်း ထွေထွေထူးထူး မရှိတော့ အခန်းလေးထဲမှာ တစ်နေကုန် ရှိနေခဲ့တဲ့ နေ့လေးတစ်နေ့ပေါ့..။ အိပ်ခန်းထဲက မှန်ပြူတင်းပေါက် အကြီးကြီးရှေ့မှာ ကွန်ပျူတာစားပွဲလေးရှိတယ်.. ပန်းရောင်လိုက်ကာကြီးကို ကြိုးလေးနဲ့ဆွဲဖယ်ပြီး တံခါးကိုဖွင့်လိုက်တာနဲ့ နှင်းဆီပန်းအိုးလေးတွေ စီစီရီရီထားထားတဲ့ ဝရမ်တာလေးရှိနေတယ်.. ကွန်ပျူတာလေးရှေ့မှာ ထိုင်နေရင်း မိုးဖွဲလေးတွေ ရွာနေတယ်ဆိုတဲ့ အသိရယ် မိုးနံ့လေးတွေကို ရူရှိုက်ချင်တဲ့စိတ်ရယ်နဲ့ ကျမအခန်း ပြတင်းပေါက်ကို ဖွင့်ထားလိုက်တယ်...။

ကွန်ပျူတာကို ဖွင့်ထားရင်း မိုးဖွဲသေးသေးလေးတွေက နှင်းဆီပန်းလေးတွေကို နှုတ်ဆက် ဆော့ကစားနေတာ ငေးနေမိတယ်..။ သူတို့မျက်နှာပ်ါမှာ မထိတထိနဲ့ လာရောက်ကြည်စယ်နေတဲ့ မိုးမှုန်လေးတွေကို နှင်းဆီပန်းလေးတွေက ပြုံးပြီးကြိုနေသလို...။ ပန်းလေးတွေ ပြုံးနေတာကို မြင်နေရတာ သိပ်ချစ်ဖို့.. ကြည်နူးဖို့ကောင်းတယ်...။ အဲဒီအချိန်လေးအတွင်းမှာ.. ဗြုန်းဆိုပြီး ပြတင်းပေါက်ဘောင်လေးပေါ် သူတက်လာခဲ့တာပေ့ါ..။ ရုတ်တရက်တော့ ကျမလန့်သွားခဲ့တယ်.. ချစ်စရာကောင်းတဲ့ ကြောင်ဖြူဖြူလေးက လန့်သွားတဲ့ကျမကို မျက်လုံးလေး အဝိုင်းသားနဲ့ ကြည့်နေတယ်.. သူ့ကိုကြည့်ရတာ ကျမကို ရင်းနှီးပြီးသားလိုပါဘဲ.. လုံးဝစိမ်းမနေပါဘူး..။ ဘေးအခန်း တစ်ခန်းခန်းက ကြောင်ကလေးတစ်ကောင် ဖြစ်နိုင်ပါတယ်.. ကျမသူ့ကို ပြုံးကြည့်ပြီး လက်လေးကမ်းလို့ ကြိုလိုက်တာနဲ့ ညင်ညင်သာသာ ခြေလှမ်းဖွဖွလေးတွေနဲ့ ကွန်ပျူတာလေး ဘေးနားအထိ သူရောက်လာခဲ့တာ....။

သူ့ကို ထွေးပိုက်ပွတ်သတ်မိလိုက်တာနဲ့ ခေါင်းလေးဝှေ့ပြီး မျက်လုံးလေးတွေ မှေးစဉ်းနေအောင် သူကျေနပ်နေခဲ့ပါတယ်....။ ပထမဦးဆုံး တွေ့ဆုံတဲ့နေ့မှာပဲ ကြောင်ဖြူဖြူလေး တစ်ကောင်ဟာ ကျမရင်ထဲအထိ နက်နက်ရှိုင်းရှိုင်း နေရာယူသွားခဲ့တာ ဆိုရမယ်ပေါ့...။ ဒီလိုနဲ့ ကျမနဲ့သူ ရင်းနှီးမှုတွေစလို့ သံယောဇဉ်တွေ ပျိုးခဲ့ကြတော့တာပဲရယ်...။ အဲဒီနေ့လေးကစလို့ အိမ်မှာ ကျမရှိနေတဲ့ နေ့တိုင်း၊ အချိန်တိုင်း အိပ်ခန်းပြတင်းပေါက်လေးကို ဖွင့်ထားတတ်သလို.. ပြတင်းပေါက်လေးဖွင့်တာနဲ့ ချက်ချင်းဘဲ သူလေးကလည်း ခုန်ပေါက်ကာ ရောက်လာတတ်နေပြီ...။ သူဟာ ကျမပြူတင်းပေါက်လေး ဖွင့်မယ့်အချိန်ကို စောင့်နေတတ်တဲ့ ကြောင်ဖြူဖြူလေးပါဘဲ...။ ကွန်ပျူတာ စားပွဲလေးပေါ်ကနေ ကျမအိပ်ခန်းလေးအတွင်းမှာ ခုန်လိုက်.. ပေါက်လိုက်နဲ့ ခြေဆန့်လည်ပတ် စပ်စုတတ်တဲ့ အထိ ကြောင်လေးဟာ ကျမကို ရင်းနှီးနေပြီ....။

ကျမ စာတွေကျက်နေတတ်တဲ့အခါမျိုး ဒါမှမဟုတ်.. ကွန်ပျူတာရှေ့မှာ ထိုင်ရင်း ဇယားတစ်ခုခုကို ဆွဲနေမိချိန်မျိုးတွေဆိုရင် ကျမဘေးမှာ ခေါင်းလေးပုပြီး သူ ငြိမ်ငြိမ်လေး နေပေးတတ်တယ်..။ ဘယ်လောက်များ အလိုက်သိတတ်လွန်းတဲ့ ကြောင်လေးတစ်ကောင်ပါလဲ..။ တစ်ခါတစ်လေ On line မှာ ဖြစ်ဖြစ် ဖုန်းတစ်လုံးနဲ့ဖြစ်ဖြစ် သူငယ်ချင်းတွေနဲ့ စကားပြောတာ ကြာသွားပြီဆိုရင် သိသိသာသာ ကျမကိုနှောက်ယှက်ပြီ.. သူရှိနေတယ်ဆိုတာကို အသိပေးသလိုနဲ့ ကျမမျက်စေ့ရှေ့မှာ လမ်းသလားပြတယ်.. ကျမက တမင် မသိချင်ယောင် ဆောင်ပြပြန်တော့ ကျမခြေထောက်လေးတွေကို ပွတ်သီးပွတ်သတ်နဲ့ သူကစားပြမယ်...။

တစ်ခါတစ်လေ ကျမသူ့ကို အရမ်းနောက်ချင်၊ စချင်လာလို့ လုံးဝသတိမထားမိဟန်ဆောင် နေပြီဆိုရင်တော့ သူသီးမခံနိုင်တော့ဘူး.. အကြီးအကျယ် ကျမကို ဆန္ဒပြသောင်းကျန်းပြီ..။ ကျမစိတ်ကိုတင်းထားပြီး ဆက်နေနေမယ်ဆိုရင်တော့ “ဝုန်း” ဆို ပြတင်းပေါက်ဘောင်ပေါ်ကို ခုန်တက်ပြီး သူပြန်တော့မယ်ပေါ့...။ ချက်ခြင်းပြန်သွားတာမျိုးလည်း မဟုတ်.. အမြီးလေးကို ပုတ်ပုတ်ပြီး ကောက်ပြနေတာ.. တစ်ကယ့်လူသားလေး တစ်ယောက်လိုပါဘဲ.. သူအဲ့ဒီလောက်ထိ စိတ်ကောက်ပြရင်တော့ ကျမမနေနိုင်တော့.. လက်ထဲကဖုန်းကို ချက်ချင်းချပြီး ကျမသူ့ကို ချော့ရပါတယ်...။ သူပြတင်းပေါက်လေးပေါ်ကနေ ခုန်ဆင်းပြီး ပြန်သွားမှာကို ကျမ.. အရမ်းကြောက်တယ်ဆိုတာ သိနေတဲ့ ချစ်စရာကြောင်ဆိုးလေးပါဘဲ...။

တစ်ခါတစ်လေ ကျမသူ့ကို စကားတွေလှမ်းလှမ်း ပြောဖြစ်သေးတယ်.. သူကျမ စကားကို နားလည်နေသလို သူ့အမြီး ဖွားဖွားလေးကို တစ်ဘုတ်ဘုတ်နဲ့ ထောက်ခံနေတဲ့ ပုံစံလေးနဲ့... သိပ်ချစ်ဖို့ကောင်းတယ်..။ စိတ်ညစ်စရာတွေ ကြုံလို့ မျက်ရည်ကျပြန်တော့ သူစိတ်မကောင်း.. ကျမနည်းနည်းလေး အငိုတိတ်ပြီဆိုတာနဲ့ ကျမပေါ်ခုန်တက်လာပြီး သူ့မေးလေးနဲ့ ပွတ်သတ် ဖြေသိမ့်တတ်သေးတာရယ်..။ ကျမအခန်းထဲက ရေခဲသေတ္တာထဲမှာ သစ်သီးတွေသာ နေရာယူ များတတ်တာပါ.. Pet Food နဲ့တူတာဆိုလို့ ထမင်းခြောက်ခဲလေးတောင် ရှိမနေတတ်ဘူး.. ခုတော့ ရေခဲသေတ္တာဘေးက စတီး(လ်)စင်လေးပေါ်မှာ Pet Food ဗူးလေးတွေ အစီအရီနဲ့ ဖြစ်လို့နေပေါ့..။ လူသားတစ်ယောက်နဲ့ ကြောင်လေးတစ်ကောင်ရဲ့ ရင်းနှီးခင်တွယ်မှု မေတ္တာဟာ တကယ်တော့ တော်တော်လေး ထူးဆန်းပါတယ်..။

ကျမသူ့ကို ဘေးမှာထားရင်း သစ်သီးတစ်ခုခုစားဖြစ်တိုင်း သူလည်း သစ်သီးလေးတွေကို လျှာလေးနဲ့ လိုက်တို့တတ်တာပါဘဲ.. တစ်ကယ်ဆိုရင်ကြောင်နဲ့ အေးစက်စက် သစ်သီးတွေနဲ့ ဘာဆိုင်လို့လည်းနော်... ဒါပေမဲ့ သူလည်း စားတယ်ဆိုတာမျိုး ကျမကို သိစေချင်တာနေမှာရယ်..။ ကျမအိမ်မှာ မရှိတဲ့နေ့လည်တွေတိုင်း သူဟာကျမ ဝရမ်တာလေးမှာ ဆော့ကစားနေတတ်တယ်..။ ညရောက်လာရင်တော့ သူ့အိမ်ရှင်တွေရဲ့ အခန်းကို သူ ပြန်သွားတာပါဘဲ..။ ဒီလိုနဲ့ ကျမ မြန်မာပြည်ကို ခဏပြန်ဖို့ ကိစ္စပေါ်လာတယ်.. ဒီဇင်ဘာတစ်လလုံး ကျမမိသားစုတွေနဲ့ အတူတူရှိနေပြီး ဇန္နဝါရီလလယ်ရောက်မှ ပြန်လာဖြစ်မှာပါ... Christmas မှာ ကျမကြောင်လေးနဲ့ အတူတူရှိမနေနိုင်ဘူး...။

ကျမသူ့ကို ကြိုပြီးလက်ဆောင်လေး တစ်ခုခုပေးချင်တယ်.. အမှတ်တရပေါ့..။ တစ်ချောင်းထိုးအပ် Set လေးတစ်စုံရယ်.. သိုးမွှေးအနီရဲရဲလေး နှစ်လုံးဝယ်ပြီး ကြောင်လေးအတွက် ဦးထုပ်လေး စထိုးတယ်..။ သုံးရက်နဲ့ဘဲ အဲဒီဦးထုပ် အနီရဲရဲလေး ထိုးပြီးသွားပါတယ်..။ ထုံးစံအတိုင်း ပြတင်းပေါက်လေးကို ဖွင့်လို့ ကြောင်လေးအလာကို ကျမကြာကြာ မမျှော်လိုက်ရပါဘူး သူရောက်လာခဲ့တယ်..။ ကျမသူ့ကိုပွေ့ထားရင်း လက်ဆောင်ဦးထုပ်လေးကို သူ့ခေါင်းလေးမှာ တယုတယ စောင်းပေးပြီး သူ့မေးစေ့အောက်မှာ ကြိုးလေးနဲ့ ဖွဖွလေးချည်ပေးလိုက်တယ်..။ ပါးစပ်ကလည်း ဒါကြောင်လေးအတွက် ကျမကိုယ်တိုင်ထိုးထားတဲ့ လက်ဆောင်လေးဆိုတာ တစ်ဖွဖွပြောနေမိရင်းပေါ့...။ သူလည်း အရမ်းကိုပျော်နေလေရဲ့..။ အမွှေးဖွား ဖြူဖြူစွတ်စွတ်လေးနဲ့ ကြောင်ကလေးဟာ သူ့ခေါင်းပေါ်က အနီရဲရဲဦးထုပ်လေးနဲ့ အရမ်းကို လိုက်ဖက်လွန်းနေတော့တာ..။ ချစ်စရာလေးပါ..။ ကျမသူ့ကိုပွေ့ထားရင်း ဓါတ်ပုံလေးရိုက်လိုက်တယ်..။ ချက်ခြင်းဆိုသလိုဘဲ အဲဒီပုံလေးကို Computer Background လေးတင်လိုက်ပါတယ်...။

ကျမရဲ့ကြောင်လေးက မော်နီတာနားလေးကို ကပ်ကပ်သွားလိုက် ခေါင်းလေးကို စောင်းရင်း နှုတ်ခမ်းလေးနဲ့ နမ်းလိုက် ကျမဆီကို ပြန်ပြေးလာလိုက်နဲ့ သူအရမ်းကို ပျော်နေတာ သိသိသာသာပါဘဲ... ပုံလေးထဲမှာ ကျမကသူ့ကိုပွေ့ထားရင်း နှစ်နှစ်ခြိုက်ခြိုက်ပြုံးနေသလို ဦးထုပ်အနီလေးနဲ့ ကြောင်လေးကလည်း မျက်လုံးလေးအဝိုင်းသားနဲ့ Camera ကို စိုက်ကြည့်နေခဲ့တာရယ်...။ ကျမပေါင်ပေါ်ကို ပြန်တက်လာတော့ ကျမသူ့ကို စကားတွေ စပြောမိတယ်... ကျမမရှိတဲ့ အချိန်တွေမှာ လိမ်လိမ်မာမာနေခဲ့ဖို့ရယ်... ခွဲခွါနေရတာကြာနေတဲ့ မိသားစုနဲ့ ပြန်တွေ့ချိန် အိမ်မှာပျော်နေရင်းနဲ့တောင် ကျမကြောင်လေးကို သတိရနေမိမှာ ဆိုတာတွေရော အစုံပါဘဲ...။

ပထမတော့ သူက ကျမမျက်နှာကိုမော့ကြည့်ရင်း ငြိမ်ပြီးနားထောင်နေတာ... ခဏနေတော့ ကျမပွေ့ထားတဲ့ လက်တွေထဲက ရုန်းထွက်ပြီး ခေါင်းကို ခပ်ကြမ်းကြမ်းရမ်းရင်း ဦးထုပ်လေးကို သူခါချလိုက်တယ်... ရုတ်တစ်ရက် သူ့အမူအယာတွေကို ကျမနားမလည်နိုင်ဘဲ ခပ်ကြောင်ကြောင် ဖြစ်နေတုန်းမှာ ကျမရှေ့က ကွန်ပျူတာ စားပွဲပေါ်ကိုခုန်တက်ရင်း ကျမနဲ့မျက်နှာချင်းဆိုင် သူထိုင်တယ်... ကျမမျက်နှာကို ခပ်တည်တည်နဲ့ သူအကြာကြီး စိုက်ကြည့်နေတယ်... ကျမသိလိုက်ပြီ... သူအရမ်းကြေကွဲနေပြီ... “ဟင့်အင်း ကျမလည်း ကြောင်လေးလိုပါဘဲ.....” စိုးထိတ်တုန်ရီစွာနဲ့ ထွက်လာတဲ့ ကျမရင်ထဲက စကားလေး မဆုံးခင်မှာ သူ.. အခန်းအပြင်ကို ရောက်သွားခဲ့ပြီ.. ကျမကို ခေါင်းငဲ့ကာ တစ်ချက်ပြန်ကြည့်ရင်း ပြတင်းပေါက်လေးပေါ်က ခုန်ဆင်းသွားတယ်...။

ကြောင်လေးကျမကို တကယ် ထားသွားခဲ့ပြီ.. မျက်ရည်တွေ အလိုလို ကျလာတော့တယ်.. သူစိတ်ကောက်သွားတာပါ.. စိတ်ပြေတာနဲ့ ကျမဆီပြန်လာမယ်လို့ မျှော်လင့်ချင်သေးတယ်... ဒါပေမဲ့ အဲဒီနေ့ကစလို့ ချစ်စရာကြောင်ဖြူဖြူလေးဟာ ကျမကို ထားသွားခဲ့ပါပြီ..။ ကြောင်လေးတစ်ကောင်ကြောင့် မစားနိုင်မသောက်နိုင်.. မအိပ်နိုင်.. လွမ်းဖျား ဖျားပြီး ဆေးခန်းပြလိုက် ရတဲ့အထိ ဖြစ်ဖူးတယ်ဆိုရင် ဘယ်သူယုံနိုင်မှာလဲ...!! လိုက်ရှာပါသေးတယ်.. ကျမဘေး အခန်းလေးတွေအထိ သွားပြီး ကြောင်လေးကို ရှာမိတယ်... ဒါပေမဲ့..........။

သံယောဇဉ်ဆိုတာ တကယ့်ကို ကြောက်ဖို့ ကောင်းတဲ့အရာပါ... ပူလောင်လိုက်တာလေ... အပူမီးတွေပါပဲ.. ကြောင်လေးတစ်ကောင်ကို လွမ်းစွတ် တမ်းတစိတ်တွေနဲ့ ကျမ လောင်ကျွမ်းလို့ပေါ့.. ဒီနေ့ထက်ထိ ကြောင်လေးပြန်လာဖို့ကို ရူးသွပ်စွာစောင့်မျှော်နေမိဆဲပါပဲ... အခန်းလေးမှာ ရှိနေချိန်တိုင်းလည်း ပြတင်းပေါက်လေးကို ဖွင့်ထားမိနေဆဲ.... ရေခဲသေတ္တာလေးဘေးက စတီးစင်လေးပေါ်မှာလည်း ဖုံတက်နေတဲ့ Pet Food ဗူးလေးတွေ အစီအရီ တင်ထားနေမြဲ... သူခဏတာလေးသာ စောင်းသွားခဲ့တဲ့ ဦးထုပ်နီနီလေးကို တယုတယနဲ့ သိမ်းထားမိနေဆဲ... ကျမရဲ့ ကွန်ပျူတာမော်နီတာလေးပေါ်က သူ့ပုံရိပ်လေးဟာလည်း ခုထက်ထိ ဒီအတိုင်းလေးဘဲဆိုတာ......။

ဟော.... မိုးဖွဲလေးတွေ ကျလာပြန်ပြီကွယ်.....ကျမလေ.....။

(ခင်လေးငယ်)

ကျွန်ုပ်နှင့်မုန်းစရာကြောင်နက်ကြီး...

ကျနော့်ကို အကြင်နာကင်းမဲ့တယ်လို့ ပြောချင်ပြော မေတ္တာတရားခေါင်းပါးတယ်လို့ ဆိုချင်ဆို အိမ်မွေး တိရိစ္ဆာန်တွေဆိုရင် ချစ်လို့ကို မရဘူး.. အိမ်မွေး တိရိစ္ဆာန်ဆိုတာ အိမ်အတွက် အကျိုးပြုတာတွေ ရှိသလို အကျိုးမပြုတာတွေလည်း ရှိပါတယ်..။ ခွေးဆိုရင် အိမ်စောင့်ပေးတယ် လုံခြုံရေးအတွက် အကျိုးပြုတယ်ပေါ့.. ယုန်တို့ ရွှေငါးတို့ ကြက်တူရွေးတို့ကတော့ အကျိုးမပြုဘူး ထင်တာပဲ.. အပျော်သက်သက် ဒါမှမဟုတ် အလှပြကြဘို့ မွေးကြတယ်ထင်ပါတယ်.. တချို့ဆို မျောက်တို့.. မြွေတို့.. ဝက်ဝံတို့.. နိုင်ငံခြားမှဆို ကျားတွေ ခြင်္သေ့တွေတောင် မွေးတဲ့လူ ရှိသေးတယ်..။

သံယောဇဉ် ဆိုတာကလည်း တကယ်တော့ ဖြစ်လွယ်တယ်လေ.. သက်မဲ့အရာဝထ္ထု တွေကိုတောင် သံယောဇဉ် ဖြစ်သေးတာ သက်ရှိတိရိစ္ဆာန်တွေကို သံယောဇဉ်ဖြစ်တာ ဆန်းတော့ မဆန်းပါဘူး..။ အလွန်အကျူးကြီး ဆိုရင်တော့ မကောင်းဘူးပေါ့.. တစ်ချို့ဆို ခွေးလေးတွေ ကြောင်လေးတွေကို လူတွေနဲ့ တစ်တန်းတည်းထားကြတယ် ပွတ်သပ်ပွေ့ပိုက် ရင်သွေးလေးကျနေတာ.. သူတို့စားဖို့ သတ်သတ်လုပ်ပေးရတယ် နေမကောင်းရင် ဆေးခန်းပြရသေးတယ်.. နောက်ဆုံး အီအီး.. ရှူရှူးကအစ လိုက်တယ် ပေးရတယ်.. တချို့များဆို ကိုယ့်ခွေးလေး.. ကြောင်လေး ပျောက်လို့ ငိုလို့ငို.. ဖျားလို့ဖျား.. စိတ်ညစ်စရာပါ..။

အဲ့ဒီလို အိမ်မွေး တိရိစ္ဆာန်တွေထဲမှာ ကြောင်ကိုတော့ အမုန်းဆုံးပဲ.. ဘာကြောင့်မှန်းတော့ မသိဘူး ငယ်ငယ်ထဲက မုန်းကို မုန်းနေတာ.. Tom & Jerry ထဲက ကြွက်လေးကို နိုင်စားလို့ မုန်းသွားတာလားတော့ မသိဘူး.. ရွံလည်းရွံတယ် ကြောင်တွေ့ရင် တစ်ခုခုနဲ့ ပေါက်ချင်တယ် ဒါမှမဟုတ် ကန်ပလိုက်ချင်တယ်.. တကယ်တကယ် အလွတ်ကြီးကို မုန်းနေတာ..။

တစ်ရက်တော့ ကျောင်းပိတ်ရက် ရှမ်းပြည်ဘက် ခရီးထွက်ဖြစ်တယ်.. မန္တလေးရောက်တော့ သူငယ်ချင်း တစ်ယောက်ရဲ့ အိမ်မှာ တစ်ည ဝင်တည်းရတာပေါ့.. ဖြစ်ချင်တော့ သူငယ်ချင်းတို့ အိမ်မှာ ကြောင်နက်ကြီး တစ်ကောင်ရှိတယ်.. သူတို့ မိသားစုကလည်း ကြောင်နက်ကြီးကို သွေးသားရင်း တစ်ယောက်လိုကို ချစ်ကြတာ.. လွန်လွန်းပါတယ် ပွေလိုက် ဖက်လိုက် ပွတ်လိုက် သပ်လိုက် နမ်းတောင် နမ်းလိုက်သေးတယ်.. ကျနော်လေ စိတ်တွေ ညစ်လိုက်တာ တကယ်တကယ်..။ နဂိုကမှ ကြောင်မုန်းသူပါဆိုမှ အဲ့ဒီလို ပွတ်သီးပွတ်သပ်တွေ မြင်တော့ အသည်း ယားလိုက်တာ မပြောပါနဲ့..။

ညရောက်တော့ သူတို့မိသားစုနဲ့အတူ ထမင်းစားတာပေါ့.. အဲ့ဗျာ.. “ညှောင်..” ဆိုပြီး ထမင်းစားပွဲပေါ် ခုန်တက်လာရောဗျာ.. လန့်လည်းလန့် အံ့လည်း အံ့သြသွားတာပေါ့.. သူတို့ကတော့ “သားလေး...လာ..” ဆိုပြီး စားပွဲပေါ် ငါးကြော်တစ်တုံး ချပေးလိုက်တယ်ဗျာ.. ပြီးတော့ ဟိုဟင်းခွက်လိုက်နမ်း ဒီဟင်းခွက်လိုက်နမ်းနဲ့.. အငယ်မလေးက “သားငယ်နော် နင့်ဟာနင်စား” ဆိုပြီး နောက်တစ်တုံး ချပေးလိုက်ပြန်ရော.. ကြည့်လေဗျာ မသတီစရာ ကြောင်ကိုများ အဲ့လိုကျွေးစရာလားဗျာ.. ကျနော်လေ ဆက်စားရ အခက် မစားရ အခက်.. ဟင်းခွက်တွေကို ကျော်ခွပြီး ကျနော့်ထမင်းပန်းကန်နား လာနမ်းသေးတယ်.. တော်သေးရဲ့ သူငယ်ချင်းက အလိုက်တသိ ဂုတ်ကနေ ကိုင်ပြီး ဆွဲယူသွားပေလို့.. စိတ်ညစ်လိုက်တာဗျာ.. သူတို့မို့ မရွံမရှာ..။

ဒီလိုနဲ့ ထမင်းစားပြီးတော့ ဧည့်ခန်းမှာ ထိုင်ရင်း စကားပြောကြတာပေါ့.. အဲ့ဒီအချိန်မှာ ကြောင်စုတ်ကြောင်ပြတ်က “ညှောင်..” ဆိုပြီး ကျနော့်ပေါင်ပေါ် ခုန်တက်လာပါရော.. ရုတ်တရက်ဆိုတော့ လန့်သွားတာပေါ့.. သူ့လက်သည်းတွေက ကျနော့်အသားကို အပ်တွေနဲ့ ထိုးလိုက်သလိုပဲ.. ကျနော်လည်း စတွန့်သွားတယ်.. အိမ်ရှင်တွေ ရှေ့မှာဆိုတော့ မောင်းထုတ်ရမှာ အားနာတာပေါ့.. သူတို့အချစ်တော် အသည်းတုံးကြီးကိုး.. ဒေါသကို အောင့်အီးရင်း ဟန်ဆောင်ပန်ဆောင် ကြင်နာသယောင် ခေါင်းလေးကို ပွတ်ပေးနေ ရတော့တာပေါ့.. သကောင့်သားကလည်း သူ့အိပ်ယာများ မှတ်နေလားမသိ ဟိုလူးဒီလိမ့်.. ကျနော်လေ ကြက်သီးတွေထ.. ဆူးကဆူး.. ယားကယားနဲ့ ဟန်ဆောင်ပြုံးသာ ပြုံးနေရတယ် စိတ်ထဲမှာတော့ စိတ်ရှိလက်ရှိ ကိုင်ပေါက် လိုက်ချင်နေတာ.. မသိမသာ ကြမ်းပေါ် ပြန်ချလိုက် ဒင်းက ပြန်ခုန်တက်လာလိုက်.. လက်သည်းကြီးက ထိုးလိုက်.. ကျနော်က စတွန့်သွားလိုက်နဲ့ သေသာ သေလိုက်ချင်တော့တယ်..။

သေချင်းဆိုးက ဘယ်မှကိုမသွားတော့ဘူး.. ကျနော့်ပေါင်ပေါ်မှာ မှိန်းနေလေရဲ့.. ကျနော်လေ စိတ်တွေတိုလိုက်တာ.. အိမ်သားတွေမသိအောင် သူ့ဂုတ်သားက အရည်ပြားကို ပွတ်သလိုလိုနဲ့ တအားဆွဲလိမ်လိုက်တော့ “ညှောင်.. ညှောင်” ဆိုပြီး အော်ပါလေရော.. အိမ်သားတွေကလည်း ကြောင်စကားများ နားလည်လေသလားမသိ အားလုံးကျနော်ကို ဝိုင်းကြည့်ကြတယ်.. ကျနော်လည်း စပ်ဖီးဖီးနဲ့ သူ့ခေါင်းကို ကျနော့်ပါးနဲ့ ကပ်ရင်း “အရမ်းချစ်စရာကောင်းတယ်နော် စလို့ကောင်းတယ်” လို့ပြောလိုက်ရတယ်.. အိမ်သားတွေကလည်း ကျေနပ်သွားဟန်နဲ့ ပြုံးကြည့်နေကြတယ်.. ကျနော့် စိတ်ထဲကတော့ ကလိကလိနဲ့.. လုပ်ချင်နေတာ..။ ကြောင်စုတ်က ကျနော့်ပါးကို လျှာနဲ့လှမ်းလျက်မလို့ တော်သေးတယ် အရှောင်မြန်ပေလို့..။

ညအိပ်ယာဝင်တော့ တော်တော်နဲ့ အိပ်မရဘူး ဘယ်အချိန် အိပ်ယာပေါ် တက်လာမလဲလို့ တွေးပြီး လန့်နေရတာ.. သန်းခေါင်ကျော်တော့ အပေါ့က သွားချင်လာရော အိပ်ယာက မထချင်ထချင် ထရတော့တာပေါ့.. အခန်းပြင် ထွက်လိုက်တော့ တစ်အိမ်လုံး အိပ်နေကြတာ မှောင်မဲတိတ်ဆိတ်လို့.. မီးခလုတ်ကလည်း ဘယ်နားရှိတယ်မသိ အကန်းတစ်ယောက်လို ဟိုစမ်းဒီစမ်း ဝါးတားတားနဲ့..။

အဲ့ဒီအချိန်မှာ “ဒိတ်” ကနဲ့ ရင်တုန်သွားတယ်.. ကျောထဲကလည်း အေးခနဲ စိမ့်သွားတယ်.. ကြက်သီးတွေလည်း “ဖြန်း” ကနဲ့ ထသွားတယ်.. ကျနော်ကို စိုက်ကြည့်နေတဲ့ အစိမ်းရောင်မျက်လုံးတစ်စုံ.. ကျနော်နဲ့ မျက်နှာချင်းဆိုင် တည့်တည့်လောက်ဆီက.. သရဲဆိုတာများလား..!! ကြောက်လန့်စိတ်တွေနဲ့ ရင်တွေ တုန်လာတယ်..။

တွေးနေတုန်းမှပဲ “ညှောင်...” ဆိုပြီး ရေခဲသေတ္တာပေါ်က ခုန်ချလာတဲ့ “မျက်လုံးစိမ်းစိမ်း ကြောင်စုတ်”.. ကျနော့်ခြေထောက်နား ရောက်လာတယ်.. သူ့ကိုယ်လုံးနဲ့ ကျနော့်ခြေထောက်ကို ပွတ်သပ်ရင်း ကစားနေတယ်.. ကျနော့်ခြေဖမိုးပေါ် သူ့လက်သည်းဆူးဆူးတွေ လာထောက်မိတော့.. ကျနော်လေ ကြောက်တာရော.. လန့်သွားတာရော.. စိတ်တိုတာရော.. နာတာရော.. မုန်းတာရော.. အားလုံးရောပြီး ရုတ်တရက် မမျှော်လင့်ပဲ ကြုံးကန်လိုက်မိတယ်.. “ညှောင်...))))..” “ ဒုန်း..)))..” ဆိုပြီး ခပ်ဝေးဝေးကို လွှင့်ထွက်သွားတယ်...။

သူငယ်ချင်းလာနိုးတော့ မနက်(၈)နာရီထိုးနေပြီ.. (၉)နာရီကျော်ကျော်ဆိုရင် ရှမ်းပြည်တက်ဖို့ ကားလာကြိုတော့မယ်.. ပျာယီးပျာယာထရင်း ရေချိုးခန်းသို့အသွား စားပွဲအောက်က ဒေါင့်လေးမှာ ခွေနေတဲ့ “ကြောင်နက်”..။

ကျနော့်ကိုတွေ့တော့ အမြီးလေးကုတ်သွားတယ်.. တစ်ချိန်လုံး ပြေးလွားခုန်ပေါက် ဆော့ကစားနေတတ်တာ ခုတော့ ငြိမ်လွန်းနေတယ်.. သူ့မျက်လုံးတွေက ငိုထားသလို မို့မို့အစ်အစ် ရီဝေနေတယ်.. ကျနော့်ကို ကြည့်နေတဲ့ သူ့အကြည့်တွေက တစ်ခုခု ပြောနေသလိုလို..။ ရန်လိုမှု မုန်းတီးမှုတွေ မပါတာတော့သေချာတယ်.. ကျနော်စိတ်ထဲမှာ “ထိတ်” ကနဲ ဖြစ်သွားတယ်.. ညက ကျနော် ကန်လိုက်လို့များ သူတစ်ခုခုဖြစ်သွားသလား..! ခြေလက်တွေများ ကျိုးပဲ့ကုန်ပြီလား.. သေချာပါပြီ.. ကျနော်လွန်သွားပြီဆိုတာ ချက်ချင်း သိလိုက်ပြီ..။

ကျနော်သူ့အနား မသိမသာ ကပ်သွားတော့ သူ့ရဲ့ ချွန်ချွန်ထက်ထက် လက်သည်းလေးတွေကို ဖွက်ရင်း မျက်လုံးလေး မှိတ်သွားတယ်.. နာကျင်ညည်းညူသံ ခပ်တိုးတိုးလေး ကြားနေရတယ်.. ဟုတ်ပါတယ်.. ကျနော့်ကြောင့် သူဒဏ်ရာရသွားခဲ့ပြီ.. ကျနော်တကယ်ကို စိတ်မကောင်း ဖြစ်မိသွားတယ်.. သူ့ခေါင်းလေးနဲ့ ကျောလေးကို ကျနော် သပ်ပေးနေမိတယ်.. ရင်ထဲကတကယ်ဖြစ်ပေါ်လာတဲ့ သနားကြင်နာမှုနဲ့ပါ..။ ကျနော်... ကျနော်လေ...။

ရှမ်းတောင်တန်းကြီးတွေကို တစ်လုံးပြီးတစ်လုံး ကျော်ဖြတ်နေသလို ကျနော့်အတွေးတွေလည်း လှိုင်းလုံးကြီးတွေလို ရင်ထဲမှာ တစ်လုံးပြီးတစ်လုံး.. သူဟာ ရန်သူလည်း မဟုတ်၊ အင်အားချင်းလည်း မမျှ၊ အပြစ်လည်း မရှိ.. မေတ္တာခံယူရန်သက်သက် ကိုယ့်အနား ကပ်လာသော တိရိစ္ဆာန်တစ်ကောင်ကို မေတ္တာတရား မရှိသော.. အကြင်နာ ကင်းမဲ့သော.. ရက်စက်တတ်သော.. အသိဉာဏ် မရှိသော ကျနော်.. သူ့ကိုနာကျင်စေခဲ့ပြီ.. ကျနော်မျက်လုံးတွေကို မှိတ်ထားလိုက်တယ်.. သံယောဇဉ်နဲ့ ချစ်ခြင်းမေတ္တာဆိုတာရဲ့ လေးနက်တဲ့ အဓိပ္ပါယ်ကိုလည်း ကျနော်လက်တွေ့ နားလည်သွားပါပြီ.. ကြောင်နက်လေးရဲ့ပုံရိပ်နဲ့ “ညောင်..” ဆိုတဲ့အသံလေး မြင်ယောင်ကြားယောင်လာတယ်.. “နောင်တ” ဆိုတာထက်ပိုတဲ့ အသိတရားတစ်ခုကို တကယ်ရရှိလိုက်ပါပြီ...။

(ကိုရင်နော်)

သံယောဇဉ်..

“လူတွေဟာ တစ်ဦးနဲ့တစ်ဦး မြင်ဖူးတွေ့ဖူးမှသာ သံယောဇဉ်တွယ်တာပါ..” ဆိုတဲ့ စကားကို လက်ခံကြပါသလား..!! ကျမကတော့ အပြည့်အဝ ငြင်းပယ်ပါတယ်..။ ကျမတို့ Blog လောကကြီးရဲ့ (အကောင်းမြင်ဖက်လေးကနေ တွေးရင်း..) ယှဉ်စဉ်းစားပြီး ပြောကြည့်ချင်လို့ပါ..။

ကျမတို့တတွေ အသက်အရွယ်..! အလုပ်အကိုင်..! အိမ်ထောင်ရှိမရှိ..! ကလေးရှိမရှိ..!
(ဒါက လက်ရှိ Status ပိုင်းဆိုင်ရာ..)

ပညာတွေ ကမ်းကုန်အောင် တတ်နေတဲ့လူလား..!! ကျမလိုအညတရ နုံချာချာ သာမန်အမျိုးသမီး တစ်ယောက်လား..!! (ဒါက IQ ပိုင်းဆိုင်ရာပါ..)

ပပဝတီရှုံးအောင် လှလွန်းတဲ့ Blogger မမတစ်ဦးလား..!! Brad Pitt ထက်ချောနေတဲ့ Blogger ကိုကိုတစ်ယောက်လား..!! ကိုရင်နော့်လို အပေအတူး ဂေါ်မစွံရုပ်ကြမ်းကြီးများလား..!!
(ဒါက ရူပါပိုင်းဆိုင်ရာပေါ့..)

အရေးညက်သူများကို အားကျတယ်..။ ကဗျာလှလှလေးတွေ ဖွဲ့သီတတ်တဲ့သူတွေကို ချီးကျူးတယ်..။ အချိန်တွေပေးပြီး နည်းပညာတွေ ဖလှယ်ပေးနေသူတွေကို ကျေးဇူးတင်တယ်..။ Blog တွေအတွက် စေတနာအရင်းခံပြီး အကြံဥာဏ်တွေ ပေးတတ်သူတွေကို တန်ဖိုးထားတယ်..။ Blog လေးတွေထဲမှာ Reader တစ်ယောက်အဖြစ် အမြဲတမ်းရှိနေတတ်တဲ့ ကလေးလေး လို ညီမလေးကို တစ်ခါမှမမြင်ဘူးသော်လည်း ချစ်တယ်...။ (ဒါက စိတ်ခံစားမှုပိုင်းဆိုင်ရာ..)

အများကြီးပါ.. ပြောရင်ကုန်မယ် မထင်ဘူး..။ ထားပါနော်.. အဓိက ပြောချင်တာကို ပြောကြည့်ကြမယ်..။ လူတွေက ပြောတတ်ကြပါတယ်.. “နှုတ်ချိုခြင်းသည် မင်္ဂလာတစ်ပါး”... ဒါဆို ဒီလိုဝေဖန်ကြမယ်.. “စိတ်ထဲက ပုတ်ဟောင်နေပြီး နှုတ်လေးပဲ ချိုနေရင်ရော မင်္ဂလာရှိမှာလား!!” အင်း... ဒါကတော့ ဒီလိုရှိပါတယ်.. ရင့်ကျက်တဲ့ အသက်အရွယ်လေး ရှိလာပြီဆိုရင် ရှေ့မှာရှိနေသူရဲ့ မျက်နှာနဲ့ မျက်လုံးတွေပေါ်မှာ အဖြေရှာရင်း ကိုယ့်ဟာကိုယ် ဝေဖန်ဆန်းစစ်ကြည့်ဖို့တော့ လိုလာပြီပေါ့...။ ဟန်ဆောင်ခြင်း အတတ်ပညာတွေကို သူမတူအောင် တတ်ကျွမ်းနေတဲ့ ပညာသည်တွေလည်း မုချရှိပါလိမ့်မယ်..။ ဒါဟာလည်း အချိန်အတိုင်းတာလေး တစ်ခုမျှသာပါ...။ ဘယ်လောက်အထိ ဖုံးဖိနိုင်မှာလည်း..!! ယုတ်စွဆုံး သူတို့မသေခင် အချိန်လေးတစ်ခု အတွင်းမှာ နွံနစ်နေတဲ့အမှန်တရားဟာ အလိမ်လည်ခံ လူသားတွေအတွက် ထွက်ပေါ်လာမှာပဲ မဟုတ်လား..။

ဒီလိုပါဘဲ... Blog လေးတွေထဲမှာ အပြန်အလှန် အလည်သွားကြတယ်.. ချစ်စဖွယ် စာလေးတွေ Message လေးတွေဖလှယ်ကြတယ်.. သူငယ်ချင်းတွေဖြစ်ကြတယ်ပေါ့.....။ ဥပမာ.... Blogger တစ်ယောက်ရဲ့ “ကျွန်တော်စိတ်ညစ်နေတယ်ဗျာ” ဆိုတဲ့ စာလေးတစ်ကြောင်းကို မြင်ရုံနဲ့တင် သူငယ်ချင်းတွေ အားလုံးက သူ့ကိုဘယ်လို အားပေးရမလဲ ဆိုတာတွေးနေကြပြီ... တစ်ချို့တွေက သူပြုံးသွားစေမဲ့ ရယ်စရာလေးတွေ ရေးသွားကြမယ်.. တစ်ချို့တွေကြတော့ စိတ်ပြေတော့မှ ပြန်တွေ့မယ်ဆိုပြီး ဖိစီးနေတဲ့ သူ့စိတ်ကိုအချိန်နဲ့ကုစားဖို့ အတိုင်းအတာတစ်ခုအထိ လွှတ်ပေးလိုက်ကြတယ်...။ နားလည်ပေးကြတာတွေကို ပြောတာပါ..။ “ကလေးလေး” နေမကောင်းလို့ ဆေးရုံတက်တုန်းကလည်း Blog မောင်နှမတွေအားလုံး စိတ်ပူပြီး ဆုတွေတောင်းပေး ခဲ့ကြတယ်လေ..။

ဒါတွေအားလုံးဟာ ဖြူသလား မဲသလားတောင် မသိကြတဲ့.. ခင်မင်နှစ်လိုဖွယ် လူသားတိုင်းရဲ့ ရင်ဘတ်ထဲမှာ ကိန်းအောင်းနေတဲ့ တူညီမှု အကြင်နာတရားတွေပါ..။ ဒါဟာ... အင်မတန် ဖြူစင်သန့်ရှင်းတဲ့ အဖြူရောင် သံယောဇဉ်လေးတွေပါဘဲ...။ ကျမတို့တတွေအားလုံး တစ်ဦးနဲ့တစ်ဦး အပြင်လောကမှာ တွေ့ဖူးမြင်ဖူးနေကြလို့မှ မဟုတ်တာလေနော်... ဒါတွေအားလုံးကို ခြုံကြည့်မယ်ဆိုရင် မြင်နိုင်နေပြီထင်ပါတယ်နော်... ။

“လူတွေဟာ တစ်ဦးနဲ့တစ်ဦး မြင်ဖူးတွေ့ဖူးမှသာ သံယောဇဉ်တွယ်တာပါ..” ဆိုတဲ့ အဆိုကို ကျမပြတ်သားစွာ ငြင်းပယ်မိတယ် ဆိုတာလေးကိုပါ....။
ကဲ........... သူငယ်ချင်း မောင်နှမတွေ အားလုံးကော ဘယ်လိုများ ထင်မိကြပါလိမ့်....!!!

(ခင်လေးငယ်)

မှတ်ချက်။ ။ ဒီ Post လေးကိုရေးဖို့ အတွေးလေးရသွားတာ ကျမကို “မေမေခင်” လို့ ချစ်စနိုးခေါ်တတ်ပြီး Blog တွေနဲ့ အရမ်းရင်းနှီးနေတဲ့ “ကလေးလေး” တစ်ယောက်ကြောင့် ဖြစ်ပါတယ်... “ကလေးလေး” ရေ... Thanks ပါနော်...

စိတ်ညစ်စရာ ဗိုင်းရပ်(စ်)တစ်မျိုး...

လူတွေကပြောကြတယ်...“ဘဝဆိုတာ ဆိုးတစ်ခါ ကောင်းတစ်လှည့်ပါ” တဲ့..။

“စိတ်ညစ်စရာ တစ်ခုကိုကျော်ဖြတ်ပြီးတိုင်း စိတ်ချမ်းသာစရာ တစ်ခုက အမြဲစောင့်နေမှာပါ”... လို့လည်း ဖြေသိမ့်တတ်ကြသေးတယ်..။

ကျမသိတဲ့ စိတ်ညစ်စရာ ဆိုတဲ့အရာဟာ ဗိုင်းရပ်(စ်)နဲ့တူတယ်။ ခန္ဓာကိုယ် အနှံ့မှာ ပျံ့ပွားလွယ်လွန်းတဲ့ ဗိုင်းရပ်(စ်)ထက်ဆိုးတဲ့ ဗိုင်းရပ်(စ်)တစ်မျိုး...။

အဆိုးတစ်ခုကို ဖြတ်ကျော်လိုက်တာဟာ ဗိုင်းရပ်(စ်) တစ်ကောင်ကို သတ်လိုက်နိုင်ခြင်းပါ..။ ဒါပေမဲ့ နောက်ထပ် အကောင်ပေါင်းများစွာက အသတ်ခံဖို့ အဆင်သင့် စောင့်နေကြတယ်။

ချောက်နက်နက်ထဲကို ထိုးကျလိုက် အားကုန်သုံးပြီး ပြန်တက်လိုက်.. အပေါ်ရောက်လို့ သက်ပြင်းတစ်ချက် မှုတ်အထုတ် အမောတောင် မဖြေရသေးခင် ပြန်ဆွဲချခံလိုက်ရနဲ့ပေါ့...။

ဖေဖေနဲ့ မေမေ ပေးတဲ့ အသက်လေးနဲ့ ဘဝတစ်ခုဆိုတာ တည်မြဲနေရသော်လည်း ဗိုင်းရပ်(စ်)ပေါင်းများစွာကို လက်တွေ့မှာ သတ်နေရဦးမှာပါ....။

တစ်ကောင်ကို သတ်ပြီးချိန်မှာ ကိုယ်နောက်ထပ်သတ်ရမဲ့ အကောင်ဟာ သေးမလား..!! ကြီးမလား..!! ဘယ်လိုပုံစံနဲ့ ကျမကို စောင့်နေမှာလည်း..!!

သူ့ကို ယှဉ်ပြိုင် အနိုင်ယူ တိုက်ခိုက်ဖို့ အားအင်တွေ ဘယ်လောက် အသုံးချရဦးမှာလည်း..!! အသုံးချရမဲ့ ပမာဏက ကြီးမလား..!! သေးမလား..!! ဘာဆိုဘာမှ ကြိုသိခွင့်မရှိ။

တစ်ခါတစ်ခါ ပါးနှစ်ဖက်ပေါ်က မျက်ရည်တွေဟာ သူ့ကိုသတ်ဖို့ အားယူလိုက်ခြင်း ဖြစ်ချင်ဖြစ်မယ်..။ “တောက်” တစ်ချက်ခေါက်ပြီး ကိုက်ထားမိတဲ့ အောက်နှုတ်ခမ်းထောင့်က စီးကျလာတဲ့ သွေးတစ်ကြောင်းဟာလည်း ခုခံဖို့ အင်အား ဖြစ်ချင်ဖြစ်မယ်...။

ဒီလိုနဲ့ဘဲ ဗိုင်းရပ်(စ်)တွေနဲ့ နပမ်းလုံးရင်း ဆံပင်တွေဖြူ.. သွားတွေကျိုး.. ပါးရည်တွေ တွန့်ရဦးမယ်....။ နောက်ဆုံးရှုသွင်းမဲ့ အောက်စီဂျင်တစ်ငွေ့... နောက်ဆုံးမှုတ်ထုတ်ရမဲ့ ထွက်သက်... နောက်ဆုံးစက္ကန့် သေးသေးလေး အထိ..... အဲဒီ ဗိုင်းရပ်(စ်)တွေနဲ့ဘဲ....။

“ခု....ငါ ပူပူနွေးနွေး ဗိုင်းရပ်(စ်) တစ်ကောင်ကို သတ်ထားတယ်”

“လာစမ်း.. နောက်တစ်ကောင်.. ငါ အားသစ်တွေ ထပ်မွေးထားတယ်”

(ခင်လေးငယ်)

ဆေးလိပ်သောက်ခြင်းဆိုတာ...

“ဆေးလိပ်သောက်ခြင်းသည် ကျန်းမာရေးကို ထိခိုက်နိုင်ပါသည်...” ဆိုတဲ့ သတိပေးကြော်ငြာတွေ တွေ့တိုင်းတွေ့တိုင်း၊ ချောင်းဆိုးတိုင်း ဆိုးတိုင်း၊ ဆေးလိပ်ဖြတ်မယ်လို့ ဆုံးဖြတ်ခဲ့တာ အကြိမ်ကြိမ်.. လစာထုတ်တိုင်း ထုတ်တိုင်း ဆေးလိပ်ဖြတ်မယ်လို့ ဆုံးဖြတ်ခဲ့တာလည်း အခါခါပေါ့.. ဒီတစ်ဗူးနောက်ဆုံး၊ ဒီတစ်လိပ်နောက်ဆုံး ဆိုတာကလည်း မနည်းတော့ဘူး.. ခုဏကအထိကို သောက်မိနေသေးတယ်.. ဆေးလိပ်သောက်တာ မကောင်းဘူးဆိုတာ သိသား.. ပညာပေးစာတွေလည်း ဖတ်ဖူးနေတာပဲလေ.. ဘာလို့သောက်နေသေးလဲလို့ မေးစရာပေါ့.. ဟုတ်ပါတယ်.. ဖြတ်မရတာပါ.. စိတ်ဓါတ်မခိုင်မာတာလား.. ဆေးလိပ်အရမ်းစွဲနေတာလား.. ဘာလို့ဖြတ်ဖို့ မကြိုးစားတာလဲ..!!

ကျနော် ဆေးလိပ်စသောက်တတ်တာ တော်တော်ငယ်သေးတယ် (၁၄) နှစ်သားလောက်က.. လ္ဘက်ရည်ဆိုင်ကစတယ်လို့ပဲ ပြောရမှာဘဲ ကိုယ့်ထက်အတန်းကြီးတဲ့ အစ်ကိုကြီးတွေနဲ့ ဆိုင်အတူထိုင်ရတာကို ပျော်နေခဲ့မိတာ.. သူတို့ပြောတာတွေ နားထောင် သူတို့လုပ်တာတွေ လိုက်လုပ်နဲ့ ကိုယ့်ကိုကိုယ်တော့ ဟုတ်လှပြီထင်နေခဲ့တာပေါ့.. လူကြီးဖြစ်ပြီပေါ့.. အဲ့လိုနဲ့ ဆေးလိပ်လေး သောက်တတ်လာရော.. စသောက်ခါစက အရသာကိုလည်း မသိပါဘူး ဖွာလိုက်ရတာ.. ရှိုက်လိုက်ရတာ.. ဆေးလိပ်လေး လက်ကြား ညှပ်ထားရတာကိုက အရသာရှိသလိုလို.. ဆေးလိပ်လေးခဲနေရတာကိုက စတိုင်ရှိသလိုလို အားနေရင် လ္ဘက်ရည်ဆိုင်ဘဲ ထိုင်နေချင်တာ.. တယ်ဟုတ်ပါလားပေါ့..

ဆေးလိပ်သောက်တာ မြင်သွားလို့ ဖေဖေ နားရင်းတီးတာလည်း ခံခဲ့ရဘူးတယ်.. ကျောင်းလွယ်အိပ်ထဲက ဆေးလိပ်ဗူးနဲ့မီးခြစ် တွေ့သွားလို့ မေမေငိုခဲ့ရတာကိုလည်း မှတ်မိနေသေးတယ်.. နောက်မသောက်တော့ပါဘူးလို့ ကတိပေးခဲ့တာလည်း အကြိမ်ကြိမ်.. အချိန်တန်ရင် လ္ဘက်ရည်ဆိုင်ပဲ သွားချင်နေတော့တာ.. လမ်းဘေးကွမ်းယာဆိုင်လေး တွေကလည်း ကလေးလူကြီး ဘယ်သူဝယ်ဝယ် ရောင်းတာပဲလေ နိုင်ငံခြားမှာလို အသက်ကန့်သတ်ထားတာကလည်း မရှိဘူးလေ.. အဲ့တော့ လွယ်လွယ်လေးပေါ့..

ရည်းစားစထားတတ်တဲ့ လူပျိုပေါက်အရွယ်လေး ရောက်ခဲ့ပြန်တော့လည်း ဆေးလိပ်ပြဿနာက ကြုံနေရတာ.. သိကြတဲ့အတိုင်းဘဲ ဆေးလိပ်နံ့ဆိုတာကလည်း အခက်သားလားဗျာ.. ပီကေတွေ ဂျင်တန်တွေ အငုံလွန်ပြီး အာခေါင်တစ်ခုလုံး ရစရာမရှိအောင်ပူပြီး နေရထိုင်ရ ခက်ချင်ခက်မယ် အနံ့ကပျောက်ကိုမပျောက်ဘူး.. ရည်းစားကလည်း ချက်ချင်းသိတယ်.. ညာလို့ကိုမရတာ.. သူစိတ်ဆိုး စိတ်ကောက်တာတွေ ခံရတိုင်း အတွေးထဲမှာ တွေးမိသေးတယ်.. ကျနော့်ရည်းစား တစ်ခြားကောင်မလေးတွေထက် အနံ့ခံအာရုံတွေများ အရမ်းကောင်းနေတာလားပေါ့... ဘယ့်နှယ်ဗျာ သူမို့လို့ သိ.. သိနိုင်လွန်း.. ဒီလိုနဲ့ အတော်လေးကြိုးစားခဲ့ရတဲ့ မရှိမဲ့ရှိမဲ့ ရည်းစားလေး တစ်ယောက်နှစ်ယောက်နဲ့ လွဲခဲ့ရတာတွေလည်းရှိပေါ့.. အသည်းတွေကွဲပြီး ငေါင်နေချိန်မှာတောင် ဆေးလိပ်က လက်ကြားညှပ်တုန်းဗျ.. အမှတ်ကို မရှိတာလေ..။

ဘယ်ဆိုင်မှာ ဝင်ထိုင်ထိုင် ဆေးလိပ်ဆိုတာ သောက်ချင်တဲ့နေရာမှာ သောက်ခွင့်ရှိနေတဲ့ ခေတ်ကြီးကလည်းဖြစ်ဆိုတော့... အင်းးး ခေတ်ကြီးကိုသာ လွှဲချရတာပါ... အဓိက ကတော့ “စိတ်” ပါဘဲ.. ဒီဆေးလိပ်ကြောင့်ဘဲ ပိုပြီးအန္တရာယ်ရှိတဲ့ မူးယစ်ဆေးဝါးဖက်နွယ်ပြီး ဘဝပျက်ရသူတွေ ဒုနဲ့ဒေးလေ.. စဉ်းစားကြည့်ဗျာ.. ဆေးလိပ်လုံးဝ မသောက်တတ်တဲ့ လူတစ်ယောက်က အဲဒါတွေဘက် ရောက်သွားဖို့ဆိုတာ မရှိသလောက်ပဲ မဟုတ်လား.. အားလုံးဟာ ဆေးလိပ်ကစတာ လို့ပြောရင် သိပ်တော့မှားမယ်မထင်ဘူး.. ကိုယ့်ကိုကိုယ် သိနေပါတယ်.. “ကျနော်ဟာ လူမိုက်”... အဆိုးတွေကို သိလျှက်နဲ့ ဆက်မှားနေတဲ့ လူမိုက်ကြီးပေါ့... မှားနေမှန်းသိနေလို့လည်း ပြင်ဖို့ ကြိုးစားနေတာ နှစ်တွေချို့ခဲ့ပြီ...

အခုအရွယ်ရောက်လို့ နားလည်လာတော့ နောင်တရမိတယ်.. ကလေးအရွယ် ညီငယ်လေးတွေ တွေ့တိုင်းလည်း ဆေးလိပ်မကောင်းကြောင်းတွေ ဆေးလိပ်မသောက်ရေးတရားတွေ ဟောချင်သေးတယ်.. ဆေးလိပ်သောက်တယ်ဆိုတာ တကယ်တော့ ဘာမှအဓိပ္ပါယ်မရှိ အကျိုးပြုတာလည်းမရှိ စိတ်ကို အလိုလိုက်ခြင်းသက်သက်.. ရောဂါဝယ်ယူနေခြင်းသက်သက် ဆိုတာ ပိုပိုသိလာတယ်.. “သူနဲ့မတွေခဲ့ရရင်ကောင်းသား ခုတော့ အချစ်ကြီးချစ်လို့ မုန်းခက်မေ့ခက် အဖြတ်ခက်နေပြီ” ဆိုတာလိုပေါ့.. မဖြစ်တော့ဘူး ကြာရင်သေရာပါလိမ့်မယ်..

“ကယ်.. သွားကွာ..” ဆေးလိပ်ဗူးရော မီးခြစ်ရော ဆေးလိပ်ခွက်ပါ အကုန်လုံး လွင့်ပစ်လိုက်ပြီဗျာ.. ဒီတစ်ခါတော့ ကျနော် တကယ်ဖြတ်ပြီဗျာ အားလုံးကိုလည်း ကတိပေးတယ်.. အဖေနဲ့အမေကိုလည်း ကျနော် တကယ်ကတိပေးပြီဗျာ လုံးဝ(လုံးဝ) မသောက်တော့ဘူးဗျာ.. ဆေးလိပ်သောက်ချင်စိတ် ဖြစ်လာရင် ကျနော့် “စိတ်” ကိုပါ ကျနော် အမှိုက်ပုံးထဲ လွင့်ပစ်တော့မယ်.. နောက်ဘယ်တော့မှ ဆေးလိပ်မသောက်တော့ဘူး..။


(ကိုရင်နော်)

ဓါတ်ပုံလေးကို Photobucket မှာတွေ့လို့ ကူးယူတင်ပြထားတာပါ..။

တစ်ခါက နိုဝင်ဘာဆီသို့... (၅)

“ဝေးး ချီးယား(စ်)” ကျမ ဘယ်ဖက်ဘေးက လာတဲ့အသံ..။ “ဗုဒ္ဓေါ...” ဒါ... “မိစု” အသံ.. ကျမမျက်လုံးပြူးသွားတယ်..။ လှမ်းကြည့်လိုက်တော့ စုစု၊ ပိုးပိုး နဲ့ သူ့ မိတ်ဆွေ အန်ကယ်ကြီးတို့...။ လက်ထဲမှာ ခွက်သေးသေးလေးတွေ ကိုယ်စီကိုင်ထားကြတယ်။ ဆိုင်ရဲ့အဝင် ဘယ်ဖက်ဘေး ဒေါင့်လေးမှာ သစ်သားခပ်ကြမ်းကြမ်းနဲ့ ရိုက်ထားတဲ့ စားပွဲရှည်တစ်လုံး.. အဲဒီစားပွဲပေါ်မှာ ထန်းရည်မြူအိုးလေးတွေ တင်ထားတယ်..။ ဧည့်သည်တွေကို ထန်းရည်အစစ် မြည်းကြည့်ဖို့ တင်ပေးထားတာ...။ ရေနွေးကြမ်းခွက်လောက် မရှိတရှိ စတီးခွက်လေးတွေကို ထန်းလက်တွေနဲ့ ယက်လုပ်ထားတဲ့ လင်ဗန်းလေးပေါ်မှာ မှောက်ပြီးစီပေးထားတယ်..။ ဘေးမှာ ထန်းလျှက်ခဲလေးတွေ ထည့်ထားတဲ့ သစ်သားဇလုံရယ် နှမ်းလှော်လေးတွေ ထည်ထားတဲ့ ပန်းကန်လေးတစ်ချပ် လည်းရှိနေတယ်။

စားပွဲဘေးမှာ ဆိုင်က အမျိုးသမီးကြီးတစ်ယောက် ရပ်နေပါတယ်။ ညာဖက်ဘေးဆုံးမြူကအချို ဒီဖက်က နှစ်မြူကအခါး ဆိုပြီးရှင်းပြနေတာပေါ့..။ အန်ကယ်ကြီးရဲ့ ဥရောပသံ ခပ်နှောနှော ဝဲတဲတဲ အင်္ဂလိပ်စကားကို ကနေဒါမှာ တစ်နှစ်လောက် သွားနေဖူးတဲ့ “ပိုးပိုး” က ခေါင်းတွေညိတ်လိုညိတ် ခါလိုခါနဲ့ စကားလက်ဆုံကြလို့ပေါ့။ “မိပိုး” က “စုစု” ကို ဘာသာတွေပြန်ပေးနေလေရဲ့..။ သူတို့ဘေးရောက်သွားတဲ့ ကျမကို သနပ်ခါးဘဲကြားနဲ့ “စုစု” က အိမ်ရှင်လိုလို မျက်နှာပေးနဲ့ ခွက်လေးတစ်ခွက်လှမ်းပေးပါတယ်။ ကျမဘေးမှာ ပါလာတဲ့ သူ့ ကိုလည်း အန်ကယ်ကြီးက လှမ်းပေးနေတယ်။ ဘီယာနဲ့ အရက်ဆိုတာကို လုံးဝမကြိုက်ပေမဲ့ ဘယ်နိုင်ငံမှာမှ မရနိုင်တဲ့ ထန်းရည်နံ့မွှေးမွှေးလေးရဲ့ ဆွဲဆောင်မှုကြောင့် “စုစု” လက်ထဲက ခွက်လေးကို လှမ်းယူလိုက်မိပါတယ်။

အန်ကယ်ကြီးက သူ့လက်ထဲကခွက်ကိုမြှောက်ရင်း “Everybody ကမ်ပိုင်” ဆိုပါလား..။ ကမ်ပိုင်..!! ဒီစကားကို အရမ်းသွက်တဲ့ “မိစု” ချက်ချင်း သင်ပေးလိုက်တာဘဲဖြစ်ရမယ်။ ခွက်လေးကို ကိုင်ထားရင်း ဆိုင်ကအဒေါ်ကြီးကို မျက်လုံးလေး ကလယ်ကလယ်နဲ့ လှမ်းကြည့်လိုက်တော့ သူက “အချိုပါ” လို့ ကျမမေးမဲ့ မေးခွန်းကို ကြိုသိနေသလို မေးလေးဆပ်ပြီး ဖြေပေးပါတယ်။ ဘေးမှာရပ်နေတဲ့ သူ့ကိုမော့ကြည့်မိတော့ ကျမကို ပြုံးပြီးကြည့်နေတယ်။ ဘယ်တော့မှ မေ့လို့ရနိုင်မယ် မထင်တဲ့ ထန်းရည်မြည်းတဲ့ ပျော်ရွှင်ဖွယ်နေ့လေးပါဘဲ...။

တိုတောင်းလွန်းတဲ့ အချိန်အတိုင်းတာတစ်ခု အတွင်းမှာဘဲ ဟန်ဆောင်ခြင်းကင်းတဲ့ သဘာဝတရားရဲ့ ထွေးပိုက်ယုယမှုတွေအောက်မှာ အသံတိတ် စကားပေါင်းများစွာကို ဖလှယ်ခဲ့ကြတယ်ဆိုတာ ရှင်ရောကျမပါ ငြင်းနိုင်မယ် မထင်ပါဘူး..။ အကြည့်တွေနဲ့ မျက်လုံးတွေထဲမှာရှိနေတဲ့ ဘာသာစကားတစ်ခုကို ကျမတို့နှစ်ယောက်လုံး အလိုလို နားလည် နေခဲ့ကြသလိုဘဲလေ..။
“ကျမတို့တော့ သွားနှင့်ပြီနော်” လို့ နှုတ်ဆက်ရင်း ပုပ္ပါးဘက်ကို ဆက်ထွက်ခဲ့ကြပါတယ်..။

တောင်တက်လမ်းလေးတွေကို ကွေ့ကာဝိုက်ကာနဲ့တက်ရင်း ပုပ္ပါးကိုတောင် ရောက်လာခဲ့ပါပြီ...။ ဦးလေးမြင့်က တောင်ခြေက နတ်ကွန်းတွေရှေ့မှာ ကားကိုရပ်ပေးပါတယ်။ နတ်နဲ့ပတ်သက်တဲ့ ယြုံကည်ကိုးကွယ်မှု အကြောင်းကို ဟိုတယ်က မထွက်ခင် မနက်စာစားရင်း “စုစုနဲ့ပိုးပိုး” ကို ပြောပြထားခဲ့ပြီးသားဆိုတော့ သူတို့ တော်တော်သိနေကြပြီ။ ဦးလေးမြင့်က ပုပ္ပါးမတက်ခင် ဝက်သားမစားရဘူးလို့ မှာထားတော့ ယုံတာမယုံတာ အပထား မနက်စာ စားကတည်းက သူတို့ကို ရှောင်ခိုင်းထားရသေးတယ်..။ မျက်လုံးလေးတွေ ပေကလပ်ပေကလပ်နဲ့ ကျမမှာတမ်းကို သဘောတွေကျရင်း နားထောင်ပေးခဲ့ကြတာလေ..။ မျောက်လေးတွေကို အစာကျွေးရင်း စကားတပြောပြောနဲ့ ကျမတို့သုံးယောက် တောင်ပေါ်စ တက်ကြပါတယ်။

စတက်ပြီး ဆယ့်ငါးမိနစ်လောက် အရောက်မှာ “ဘိုးဘိုးကြီး” နတ်ကွန်း အကြီးကြီးတစ်ခု ရှိပါတယ်။ နတ်ကွန်းထဲမှာထိုင်ရင်း ပန်းဆက်သွားဖို့ ခေါ်နေတဲ့ ဝဖိုင့်ဖိုင့် နတ်ကတော် အခြောက်ကြီး တစ်ယောက်ရဲ့ အသံကြောင့် “စုစုနဲ့ပိုးပိုး” က စိတ်ဝင်တစားနဲ့ အဲဒီထဲကို ဝင်သွားခဲ့ပါတယ်...။ ကျမနည်းနည်းတော့ စိတ်ညစ်သွားတယ်။ ကျမလည်း လိုက်ဝင်ရတော့မယ်လေ..။

“မာမီသန်း” လို့ခေါ်တဲ့ နတ်ကတော်ကြီးက အင်္ဂလိပ်စကားကို အတော်လေး ပြောနိုင်တယ်။ ပွဲထိုးသွားဖို့ “ဆွယ်” တရားဟောနေတာပါ..။ နားထောင်အပြီးမှာတော့ “မိစု” က လက်လေးဖြန့်ပြီး “ပိုက်ဆံပေးပါ” တဲ့။ သူတို့ ပွဲဆက်ချင်တယ်ပေါ့... သူတို့ဆန္ဒလေးတွေကို ကျမ မတားချင်ပါဘူး...။ ဘာဘဲဖြစ်ဖြစ် ဒါဟာ လျှုတမ်းခြင်းတစ်ခုဘဲလို့ ဖော့တွေးရင်း ကျမထုတ်ပေးလိုက်ပါတယ်။

“မာမီသန်း”က ပါးစပ်က ပွစိပွစိတွေရွတ်ရင်း သပြေခက်တွေ၊ ပန်းခက်တွေနဲ့ သူတို့ခေါင်းတွေကို တဖြန်းဖြန်းနဲ့ ရိုက်လို့ ဆုတွေပေးနေတယ်..။ ခေါင်းလေးတွေငုံ့ရင်း ငြိမ်နေကြတဲ့ “စုစုနဲ့ပိုးပိုး” တို့ ပုံစံလေးတွေကို ခပ်လှမ်းလှမ်းက ကြည့်နေမိတဲ့ ကျမ... အတော်လေးပြုံးချင်နေမိတယ်..။ ပွဲဆက်အပြီး တောင်ပေါ်ကို ဆက်တက်ခဲ့ပါတယ်။ တောင်ပေါ်မှာ ဘုရားရှိခိုး၊ ရှုခင်းတွေကြည့်နဲ့ ကြည်နူးပျော်ရွှင်စရာ အချိန်လေးတစ်ခုဖြစ်ခဲ့တယ်။ တောင်ပေါ်ကပြန်အဆင်း ဦးလေးမြင့်ကားဆီရောက်တော့ ဆယ့်နှစ်နာရီ ထိုးကာနီးနေပြီ..။ နေ့လည်စာ ကိုတော့ ပုဂံရောက်မှဘဲ စားကြမှာဆိုတော့ ပုပ္ပါးကနေပြန်ထွက်ခဲ့ပါတယ်...။

“ဟို လူလေးတို့ကားတောင် ပြန်နှင့်တာကြာပေါ့... သူတို့က တောင်လယ်အထိဘဲ တက်ကြတယ်ပြောတယ်” လို့ ဦးလေးမြင့်က ကျမကိုလှမ်းပြောပါတယ်..။ “သြော်...” ကျမအတွေးထဲကို သူရောက်လာခဲ့ပါတယ်...။ ဘာရယ်လို့ မသိတဲ့ ခံစားချက်နဲ့ သူ့ပုံရိပ်တစ်ချို့က ကျမ အတွေးထဲကို.. ရင်ထဲကို ငွေ့ငွေ့လေး တိုးဝင်လာပြန်တယ်....။ ရှင့်အတွေးထဲမှာရော ကျမများရှိနေလေမလား...!!

မထင်မှတ်တဲ့ တွေ့ဆုံမှုမှာ အရာတစ်ခု ငြိတွယ်ကပ်ပါလာတတ်တယ် ဆိုတဲ့ခံစားမှုမျိုး... ဒါဟာကျမဘဝမှာ ပထမဦးဆုံး..။ စာတွေနဲ့ နပမ်းလုံးရင်း ရင့်ကျက်တဲ့ အရွယ်လေးတစ်ခုကို ပိုင်ဆိုင်ခဲ့ချိန်အထိ ခုလိုလှုပ်ရှားမှုမျိုး မရှိခဲ့တာအမှန်ပါ...။ သေချာနေပါပြီ.. ရှင်နဲ့ပတ်သက်တဲ့ အတွေးတွေက ကျမစိတ်ကို လှုပ်ရှားစေခဲ့ပြီဆိုတာ...။

“ဒီနေ့ နေ့လည်စာကို ဟင်းစုံတဲ့ မြန်မာဆန်ဆန် ဆိုင်လေးတစ်ခုမှာ စားချင်တယ်”
ဆိုတဲ့ “ပိုးပိုး” စကားကြောင့် အတွေးတွေကိုဖြတ်ရင်း ဦးလေးမြင့်ကို အဲလိုဆိုင်မျိုးကို ပို့ပေးဖို့ ပြောလိုက်ပါတယ်။ အပြန်လမ်းက ဘယ်ကိုမှ မဝင်ဘဲမောင်းတာဆိုတော့ ပုဂံကိုပြန်ရောက်တာ အတော်လေးမြန်တယ်။ ဦးလေးမြင့်က “တိုးတိုးဝင်း” ဆိုတဲ့ မြန်မာထမင်းဆိုင်လေးမှာ ရပ်ပေးပါတယ်။ ကားပေါ်ကအဆင်း ဆိုင်ထဲကိုအဝင်... ဆိုင်အဝင်ဝကို မျက်နှာမူပြီး ထိုင်နေတဲ့ အန်ကယ်ကြီးနဲ့ ကျောပေးထားတဲ့ သူ...။

အန်ကယ်ကြီးက လှမ်းပြီးနှုတ်ဆက်တော့ သူက လည်ပြန်ကြည့်ရင်း အံ့သြဝမ်းသာသွားတဲ့ မျက်နှာလေးနဲ့ ထရပ်တယ်...
“ဟာ.. ပြန်လာကြပြီလား.. ကိုယ်တို့နဲ့ တစ်ဝိုင်းထဲ ဝင်စားပါနော်”
သူ့လိုဘဲ အန်ကယ်ကြီးကလည်း အားလုံးကိုအတူတူစားဖို့ အတင်းခေါ်နေတယ်။ “ပိုးပိုးနဲ့စုစု” ရဲ့ တစ်ပြိုင်နက်ထဲ ခေါင်းအညိမ့်မှာ သူက ခုံလေးတွေကို ဆွဲထုတ်ပေးရင်း ကျမတို့အတွက်နေရာ စီစဉ်ပေးပါတယ်..။ ဝမ်းသာပြီး ပျော်သွားတဲ့ သူ့မျက်ဝန်းထဲက အရိပ်တွေကို ကျမဖတ်နိုင်နေသလိုဘဲ...။ အချိန်တိုတိုလေး အတွင်းမှာ ဘာလို့များ ကျမ သူ့မျက်ဝန်းထဲက စကားတွေကို ဒီလောက်ထိ နားလည်မိသွားရတာပါလဲ...!!

ဆက်ရန်...

(ခင်လေးငယ်)