Sunday, January 4, 2009

ရင်မှာတွယ်ငြိသော ကဗျာများ...

သျှပ်မှူးကျော် ဆိုတဲ့ ကလောင်အမည်နဲ့ ကျမတို့အားလုံးချစ်သော ကိုထူးအိမ်သင် ရေးခဲ့တဲ့ ကဗျာလေးပါ... ဖတ်ဖတ်ချင်း ရင်ထဲကို ရောက်သွားခဲ့တဲ့ ကျွန်မ နှစ်သက်လွန်းတဲ့ ကဗျာလေး တစ်ပုဒ်အဖြစ် ဖော်ပြပါရစေ... သစ္စာရယ် မြတ်နိုးခြင်းရယ် ခိုင်မြဲချိန်မှာ အိပ်မက်လေးတစ်ခုဟာ အသက်ပါပဲ.... ယုံကြည်တယ် မဟုတ်လားဟင်..!! ခံစားကြည့်ပေးပါလား..!!

... အသက်သည် အိပ်မက် ...

အိပ်မက်သည်သူ
သူသည် အသက်ဖြစ်စေ
ဆောင်းနှောင်းလျှင် နွေဦး၏။
နွေဦး၌ နှင်းကြွင်းသည်။
နှင်းကြွင်းပြယ်သော်လည်း
သစ္စာကြွင်းစေ။
မြတ်နိုးခြင်း ကြွင်းစေ။

(သျှပ်မှူးကျော်)

ဆရာမကြီး ကြည်အေးရေးခဲ့တဲ့ ကဗျာတွေထဲက နှစ်သက်ရတဲ့ အချစ်ကဗျာကောင်း တစ်ပုဒ်ပါ... သိပြီးသား ဖတ်ပြီးသားလည်း ဖြစ်နိုင်ပါတယ်.. ကဗျာထဲက ကောင်မလေးရင်မှာ ဘာတွေကိုများ စိုးရိမ်လို့ နေပါလိမ့်..!! ထပ်ဖတ်ကြည့်ပေးပါဦးနော်...!!

....မောင့်တောအုပ်မှာ....

မောင့်တောအုပ်မှာ
ငှက်ပြာဝတ်ရည် သောင်ယစ်ရီတတ်
နှင်းဆီဖြူလဲ့ ပျံ့သင်းဖွဲ့တတ်
ဝါသွဲ့ရွက်ကြွေ လိပ်ပြာပွေတတ်
မြစ်ရေချောင်းစ တေးညှင်းမြတတ်
မိန်းမလှသူယောင် မျက်တောင်ခတ်တတ်
ကျမ်းတတ်ဇော်ဂျီ ဖိုဝင်မီတတ်
ကြံစည်သမျှ ဖြစ်မြောက်ရသည်။

မောင့်တောအုပ်မှာ
လာလှဲ့နေလှဲ့ အိပ်မက်လှဲ့လှဲ
သဲ့သဲ့ခေါ်ငင် မပီပြင်လဲ
ထင်ထင်ကြားလိုက် တိမ်းမူးခိုက်ဝယ်
မိုက်မှားကြမ္မာ တွန်းပို့ရာသို့
ထွက်ခွာလွင့်ပါး ရပ်တစ်ပါး၌
ရွေ့လျားရာသီ ထပ်ခဲ့သည်။

မောင့်တောအုပ်မှာ
ချမ်းသာအေးမြ နေချင်လှလဲ
လမ်းစပျောက်ပျက် ရှာပြန်ခက်ပြီ
ပင့်သက်မောတွေ မျက်ရည်ဝေဆဲ
မနေပျော်နဲ့ လာလိုက်ခဲ့ဟု
သဲ့သဲ့ခေါ်သံ ကြားရပြန်၏။

မြဲမြံနွယ်နှောင် လူတို့ဘောင်၌
ယောင်မှားဧည့်သည့် မပျော်ကြည်ဘူး
မဆည်နိုင်တော့ နွမ်းပျော့ခွေညိုး
လမ်းမှားတိုးဆဲ တိုးတိုးတစ်မျိုး
ချိုးငယ်ပြောသည် မောင့်တောအုပ်မှာ
ငှက်ပြာဝတ်ရည် သောက်ယစ်ရီသတဲ့
ဝါသွဲ့ရွက်ကြွေ လိပ်ပြာပွေသတဲ့
မြစ်ရေချောင်းစ တေးညှင်းမြသတဲ့
မိန်းမလှသူယောင် မျက်တောင်ခတ်သတဲ့
ကျမ်းတတ်ဇော်ဂျီ ဖိုဝင်မီသတဲ့
ကြံစည်သမျှ ဖြစ်မြောက်လှသတဲ့
နှမ မသိရှိမည်လား ။

(ကြည်အေး)

ခံစားချက်နှင့် ထပ်တူကျသော ဆရာမောင်စိန်ဝင်း(ပုတီးကုန်း)ရဲ့ ကဗျာလေးပါ... ကဗျာလေးက ပူလောင်မှုတွေနဲ့ လောင်ကျွမ်းရင်း အေးချမ်းလို့နေပါတယ်... ကျွန်မသည်လည်း သူ့ကို မာနမဲ့စွာ အင်မတန်မှ မြတ်နိုးနေဆဲ ဖြစ်ပါသည်....

....မာနမဲ့စွာ....

ပြက်ရယ်ပြုမှုကိုခံရသည့်အခါ
အားငယ်သွားတတ်သော်လည်း
မည်သည့်အခါမျှ စိတ်မဆိုးရက်ပါလေ...

အနိုင်ကျင့်မှုကို ခံရသည့်အခါ
ဝမ်းနည်းသွားတတ်သော်လည်း
မည်သည့်အခါမျှ မနာကြည်းရက်ပါလေ...

တန်ဖိုးမထားမှုကို ခံရသည့်အခါ
မကျေနပ်မှုကို ခံစားရတတ်သော်လည်း
မည်သည့်အခါမျှ မငြိုငြင်ရက်ပါလေ...

စွန့်ပစ်သွားခြင်းကို ခံရသည့်အခါ
ကျွမ်းမြေ့လောင်မြိုက်စွာ ပူပန်ရသော်လည်း
မည်သည့်အခါမျှ မေ့လျော့၍ မရနိုင်ပါလေ...

စတွေ့သည်မှ
ငါသည်သင့်အား
မာနတရားကို ပေးအပ်ထားခဲ့သောကြောင့်တည်း...။

မောင်စိန်ဝင်း(ပုတီးကုန်း)
(ခင်လေးငယ်)

တီတီငယ် ရဖူးရဖူး ရေးပေးရမယ်ဆိုတဲ့ ညီမလေး မက်မက် က Tag ထားတဲ့ Tag Post လေးပါ.. နောက်ထပ် ကျွန်မတို့ရဲ့ အကြွေးရှင်များကတော့... မမဝါဝါခိုင်မင်း.. ကိုဟန်သစ်ငြိမ်... ကိုအိပ်မက်ရှင်... နဲ့ ဖိုးဂျယ်လေး... တို့ပါ... ကျေးဇူးပြု၍ သီးခံစောင့်ပေးပါဦးနော်...!!

18 comments:

Anonymous said...

ဟာ ...
တကယ်ကို ပြည့်ဝကောင်းမွန်တဲ့ အဓိပ္ပါယ်တွေ၊ အနှစ်သာရတွေ၊ အလှိုက်လှိုက်အဖိုဖိုနဲ့ ရင်တစ်ခုလုံးကို ဆွဲကြုံးသိမ်းပိုက်လိုက်သလို ရသမိုးတွေး မပြတ်ဆွေနေတဲ့ ကဗျာတွေချည်းပါပဲလားဗျာ ...
အခုကဗျာလေးတွေ အားလုံးကို ရင်ဘတ်နဲ့ ခံစားကြည့်မိတဲ့အခါ ... သိပ်ကို နှစ်သက်သဘောကျသွားမိတယ်။ ကဗျာတစ်ပုဒ်ချင်းတိုင်းမှာ ဆွဲငင်အားတွေအပြည့်ရှိနေတာကိုတော့ ကျွန်တော် သိတယ်၊ ရှင်းမပြတတ်၊ ပြောမပြတတ်အောင်ပါပဲ။ ကျွန်တော် သိတဲ့ကဗျာတွေပါသလို မသိတဲ့ကဗျာတွေကို ဖတ်ခွင့်ရအောင်၊ ခံစားခွင့်ရအောင် အခုလို ထပ်ဆင့်ဖော်ပြ မျှဝေတာကိုလည်း အထူးကိုပဲ ကျေးဇူးတင်နေမိတယ်ဗျာ။

ခင်မင်လေးစားစွာဖြင့်

အရုပ်ကလေး said...

ကဗျားအားလုံး ကောင်းတယ် အစ်မ
မောင့်တောအုပ်မှာ ကဗျာတော့ အကြိုက်ဆုံးပဲ
ဆက်လက် ရေးဖွဲနိုင်ပါစေ..

:P said...

အပေါ်ဆုံးတစ်ပုဒ်က မဖတ်ဖူးသေးဘူး...
ကဗျာ ၃ ပုဒ်လုံးဖတ်ပြီး ဟတ်ထိသွားပြီ.....ဂွီ...

Mhu Darye said...

ကဗျာလာဖတ်သွားပါတယ်...။

ညီအကိုများ said...

ကဗျာတွေအားလုံးတန်ဖိုးရှိပါတယ်ဗျာ..
ဝေမျှပေးတာကျေးဇူးပါ..

မိုးကြယ်

Unknown said...

မောင်စိန်ဝင်းကဗျာ တော်တော်ကြိုက်တယ်..ကဗျာကောင်းတွေ ဖတ်ခွင့်ရတဲ့ အတွက် ကျေးဇူးပါအမရေ...


ဇွဲရဲရင့်

မီယာ said...

မောင်စိန်ဝင်း ကဗျာလေးကို ကြိုက်လွန်းလို့ ကူးယူထားလိုက်ပါရစေ။ ကျေးဇူးပါနော်။

ဗေဒါရီ said...

မငယ်ရေ ..
၃-ပုဒ်လုံးက ကြိုက်ခဲ့ဖူးတဲ့ ကဗျာလေးတွေပဲ ...
ပြန်လည် ဖော်ပြပေးတာ ကျေးဇူးပါ ... ။

Anonymous said...

ထူးအိမ်သင်ကဗျာနဲ့ မောင်စိန်ဝင်းကဗျာကို ကြိုက်တယ် မောင်စိန်ဝင်းကဗျာကတော့ တစ်ယောက်ကပေးဖတ်ဖူး လို့ သဘောကျတာပါ.

Dream said...

အိမ်မက်သည်သူ
သူသည် အသက်ဖြစ်စေ
ဆောင်းနှောင်းလျှင် နွေဦး၏။
နွေဦး၌ နှင်းကြွင်းသည်။
နှင်းကြွင်းပြယ်သော်လည်း
သစ္စာကြွင်းစေ။
မြတ်နိုးခြင်း ကြွင်းစေ။ အဲဒီကဗျာကို အကြိုက်ဆုံးပဲ တီတီ.... အိပ်မက်ဖြစ်တဲ့ မက်မက် ကိုစောင်းရေးထားသလား မသိဘူးနော်... အဟိ... မိုက်တယ်.. လန်းတယ်....

ပြီးတော့ မောင်စိန်ဝင်းပုတီကုံးရေးတဲ့ မာနမဲ့စွာ ကဗျာလေးကို လည်း အရမ်းကြိုက်တယ်... လန်းတယ်ကွာ.... ကြည်အေးရေးတာတော့ မက်မက် ခံစားလို့မရဘူး .........အဟီး....

:P :P

ရေးပေးတဲ့အတွက် ကျေးဇူးပါ မယ်မယ်ရေ.. အာဝါးးးးးးးးးးးးးးးးးးးးးးးးးးးးးးးးး အဆုံးမရှိနော်.... :P

Saing Khan Tun said...

ထူးအိမ်သင်ရဲ့ ကဗျာလေးကို ကြိုက်တယ် ....
မင်းသမီးနာမည်လေးဖြေပေးဦး ... မေ့သွားလို့ ..

Anonymous said...

ခင်လေး.......


ကဗျာလေးတွေ..ရွေးတတ်လိုက်တာ.....

အကြိုက်ချင်းတွေတူလို့..

ချစ်တဲ့..

မကြီး

အိန္ဒြာ

Anonymous said...

ကိုငှက်ရဲ့ ကဗျာလေး အကြိုက်ချင်းတူတယ်ဗျို့... ရင်ထဲ စွဲနေတာကြာပြီဗျ.. လက်ရေးမူလေးနဲ့ ဖတ်ရကတည်းက စိတ်ထဲမှာ နစ်နစ်နဲနဲကို ခံစားရတယ်..

RePublic said...

မခင်လေး နှစ်သက်တဲ့ ကဗျာလေးတွေ ကို လာခံစားတာဗျာ ၊၊
တယ်ရင်းမိသားစုလေး ပျော်ရွှင်ချမ်းမြေ့ပါစေဗျာ

Anonymous said...

ကဗျာကောင်းတွေ ဖတ်ရှုသွားပါတယ်။အခုလို
ပြန်လည်ဖော်ပြပေးတာ ကျေးဇူးပါတယ်ဗျာ။

Anonymous said...

ကြည်အေးကဗျာလေးမှာ မျောသွားတယ်... သူ့ကိုသိပ်ကြိုက်တာပဲ... ဘာလို့အဲလောက်အတွေးအရေးရဲတာလဲမသိဘူးနော်..
name/url နဲ့မရလို့ နေ့အိပ်မက် anonymousနဲ့ပဲ မန့်သွားတယ်နော်... :) www.mydaydream.co.cc

WWKM said...

ဝိုးးး မီးမီးကြိုက်တဲ့ မောင်စိန်ဝင်းကဗျာလေး ကူးသွား
မယ်နော်။ ကျေးဇူးပါ မခင်လေးရေ။
ကဗျာလေးတွေ အားလုံးကောင်းတယ်။

Anonymous said...

ကဗျာကောင်းလေးတွေ ဖတ်ရလို့ကျေးဇူးတင်ပါတယ်။
ဆရာမကြီးကြည်အေးကဗျာကတော့ အထိဆုံးပဲ။