သူမနှင့်ခြင်းတောင်းလေး

သူမ ထင်မှတ်မထားသည့် အချိန်တွင် ခရီးတစ်ခုကို ရုတ်တရက် ထွက်ရတော့မည်။ ရက် အကန့်အသတ်မဲ့ ထိုခရီးအတွက် ကြိုတင်ပြင်ဆင်ချိန် သူမ မရရှိခဲ့။ သွားမည့်ဆဲဆဲတွင် ခြင်းတောင်းလေး တစ်လုံးကို အတွေးတွေနှင့် သူမ ဖန်ဆင်းလိုက်သည်။ ထိုခြင်းတောင်းလေးထဲသို့ လိုအပ်သည့် အရာများကို စိတ်တွေနှင့်ပင် စုစည်း ထည့်ကြည့်လိုက်သည်။ စက္ကန့်ပိုင်းလေး အတွင်းမှာပင် သူမ၏ ခြင်းတောင်းလေးမှာ ပြည့်လျှံသွားခဲ့လေသည်။

သူမ၏ ခြင်းတောင်းလေးထဲတွင်......

• - တရားစာအုပ် တချို့..
• - ကာရန်မဲ့ ကဗျာ တချို့နှင့် နဘေထပ် ကဗျာ တချို့..
• - တိုးသဲ့သဲ့ ဂစ်တာသံလေး..
• - ရယ်မောသံ လွင်လွင်လေး..
• - စိုးရိမ်ပူပန်တတ်သော အကြည့်တွေ..
• - ပေပေတေတေ မနေဖို့ နားချသံတွေ..
• - အမြတ်တနိုး ဝတ်တတ်သော လက်ကောက် ပျော့လေး တစ်ကွင်း..
• - လက်ကိုင်ပုဝါလေး တစ်ထည်..
• - ဦးထုပ်လေး တစ်လုံး..
• - သီချင်းသံ ချိုချိုလေး..
• - ငါးကြော်သေးသေးလေးတွေ ထည့်ထားသော ပန်းကန် တစ်ချပ်..
• - စက်ဘီးလေး တစ်စင်း..
• - စန္ဒယားသံ တချို့..
• - မိုးဖွဲလေးတွေ ရွာနေသော ခပ်မှောင်မှောင် လမ်းကလေး..
• - Cranberries သီချင်းလေး တစ်ပုဒ်..
• - အငွေ့တထောင်းထောင်းထနေသော ကော်ဖီပူလေး တစ်ခွက်..
• - သွားတိုက်ဆေး အသင့်တင်ထားသော ပန်းနုရောင် သွားပွတ်တံလေး.
• - ချစ်ခြင်းနှင့် ဒေါသတရားတို့ လွန်ဆွဲနေသော လွန်ဆွဲပွဲ တစ်ပွဲ..
• - လရောင်ဆမ်းသည့် ဝရန်တာလေး..
• - ငိုက်မြည်းနေသော တက္ကစီ တစ်စီး..
• - တင်းနေအောင်စေ့ကာ ဖိ၍ပြုံးတတ်သော နှုတ်ခမ်း နှစ်လွှာ..
• - ချစ်ဖို့ကောင်းသည့် အိပ်ခန်း လှလှလေး..
• - သူမကိုယ်တိုင်၏ မျက်စောင်းလေး..
• - လှေကားထစ်လေး တချို့..
• - တည့်တိုး ပြောတတ်သော သူမ၏ စကားတချို့..
• - ခပ်ဖွဖွ အနမ်းလေး တစ်စ..
• - မာထန်ထန် ဦးခေါင်း တစ်လုံး..
• - ပန်းရင့်ရောင် အကွက်လေးတွေနှင့် ဖိနပ်တစ်ရံ..
• - ဆုတောင်းသံ တပိုင်းတစ
  
• - အနှစ်နှစ် အလလ က သန္ဓေတည်ခဲ့သော ယုံကြည်ချက် တစ်ခု..

ပြည့်လျှံနေသော ခြင်းတောင်းလေးကို စိတ်တွေနှင့်ပင် သူမ မ၍ ယူကြည့်လိုက်သည်။ ခြင်းတောင်း အကွပ်ကြားလေးထဲတွင် လှုပ်လီလှုပ်လဲ့ တွဲခိုနေသော မျက်ရည်လေး တစ်စက် က သူမကို ခပ်ကြောင်ကြောင်နှင့် လှမ်းကြည့်နေ၏။ ထို့နောက်... ဇကာပေါက်လေး တစ်ခုကြားမှ ပြုတ်ကျလုဆဲဆဲ အားငယ်စိတ်လေး တစ်ခု..!! အို... သွားစမ်းပါ..!!!

ထိုအရာ နှစ်ခုကို သူမ မထည့်ခဲ့သည်မှာ သေချာလွန်းနေသည်ပဲ။ မုန်းတီးစွာပင် သူမခေါင်းကို ရမ်းခါမိသည်။ နှုတ်ခမ်းတွေကို ခပ်တင်းတင်းစေ့ကာ ထိုခြင်းတောင်းလေး လှုပ်ခါသွားအောင် စိတ်တွေနှင့်ပင် ခပ်ကြမ်းကြမ်း ဆောင့်ဆွဲယူလိုက်သည်။ “အရူးမ” ဟု ချစ်စနိုးစနောက်တတ်သော အသံလေးတစ်ခု ခြင်းထဲမှ ခုန်ပေါက်ထွက်လာချိန်တွင် သူမ လှစ်ကနဲ ပြုံးမိသွားသည်ထင်၏။ မျက်ရည်လေးတစ်စက်နှင့် အားငယ်စိတ်လေးတစ်ခုသည် ခပ်ဆတ်ဆတ် ဆွဲယူလိုက်သောကြောင့် မှီတွယ်နေရာမှ ပြုတ်ကျ ကျန်ရစ်ခဲ့ပြီဟု သူမ ယုံကြည်ထားလိုက်သည်။

သူမသည် သူမ ဖန်ဆင်းထားသော ခြင်းတောင်းလေးကို စိတ်ကူးဖြင့် တယုတယ ဆုပ်ကိုင်ရင်း ဆန္ဒမရှိသော ထိုခရီးအတွက် ပထမဦးဆုံးသော ခြေတစ်လှမ်းကို ခေါင်းမော့၍ စလှမ်းလိုက်လေသည်။

(ခင်လေးငယ်)