တင့်ဆန်းနေတဲ့ပန်း ညီမလေးရေ..

တင့်ဆန်းနေတဲ့ပန်း

ခင်မင်မှုတွေနဲ့ အနားသတ်လိုက်တယ်
အဲဒီ့ ကတ္တီပါ ခပ်မြမြလေးမှာ
လျော့ရဲသွားတဲ့ ကြိုးတွေတင်းရင်း
ပျောက်ဆုံးသွားတဲ့ အမှတ်တရကိုသိမ်းထုတ်ဖို့ ရှာဖွေရင်း
ခရီးပြင်း နှင်နေခဲ့တဲ့ လမ်းတလျှောက်
နွေပျောက်ရင်တောင် လင်းလင်းလက် တောက်မယ် ။ ။

တကယ်ဆို လွတ်ကျသွားခဲ့တာမှမဟုတ်တာ
လွှတ်ချဖို့ အခွင့်တွေကြားမှာ မြဲမြံမှုတွေစွဲဖိုို့
ငါတို့ရဲ့ စိတ်သံမှိုတွေ လွတ်လပ်ခြင်းနံရံပေါ်မှာ ခိုင်ခိုင်စိုက်လိုက်
ပြုံးနေတဲ့ နှုတ်ခမ်းတစ်စုံမှာ
ဝဋ်နာကံနာ ကုန်တယ် ။ ။

ကြည်နူးမှုတွေ ကပြဖို့အတွက်
ရှေ့ထွက်ဟာ ပင်ပန်းမှုတစ်ခုဖြစ်မယ်
အထီးကျန်မှုတွေ အိပ်တန်းဝင်ဖို့
လွတ်လပ်မှု စတေးခြင်းတွေဟာ ရှေ့ပြေးဖြစ်မယ်
ဘ၀တွေ ငြိမ်းစေဖို့
စိတ်တလင်းတွေဟာ အလင်းဖြစ်မယ်
ဖောက်ထွက်တိုးဖျက်ဖို့ အတွက်
လက်တွေဟာ ခြေထက်မြဲမယ်

ကဲ...ဒီလိုနဲ့ဘဲ
မိုးကောင်းကင်မြင့်မှာ မွေးနေ့တစ်ပွင့်ပွင့်တယ်။ ။

စိတ်၏စေရာနာခံလေသော
မိုးမြင့်တိမ်
~~~~~~~~~~~~~~~~~~~~~

ညီမလေးရေ....

ညီမလေးရေ..
ငါတို့ဟာ.. အရှိန်နဲ့ပြေးထွက်လာတဲ့ ပေါက်ဓါးတွေလို..
တဆတ်ဆတ်တုန်ခါနေပေမယ့်
ပစ်မှတ်ကို အနက်ရှိုင်းဆုံး ထိုးဖေါက်ကြစို့ကွယ့်..။

သောကကို ရယ်မောသံအဖြစ် အသွင်ပြောင်းလို့
နာကျင်ခြင်းတွေကို သီချင်းလုပ်ဆိုကြမယ်..
ကြုံဆုံလာသမျှ အခက်အခဲတွေဟာ.
ငါတို့ နှလုံးသွေးရောင် သင်ခန်းစာတွေပဲ
မိုင်ထောင်ချီဝေးတဲ့ခရီးရဲ့ ပထမဆုံးခြေလှမ်းမှာကိုက..
ဒုက္ခသစ္စာကို.. အံကြိတ်ရွတ်ခဲ့ပြီးမှတော့..
ဒီခရီး... ဝေးဝေးနီးနီးပေါ့ ညီမရယ်..

အချိန်ကာလဆိုတာ..
သိပ်ကိုကျွမ်းကျင်တဲ့ တံမြက်စည်းတစ်ချောင်းတဲ့ ညီမရေ..
မလိုအပ်တာတွေဟာ..
အချိန်ကျရင်.. လှဲကျင်းခံကြရတော့မှာ...
အဲဒီ့မှာ..
ငါတို့ဟာ..
အမှိုက်မဟုတ်တဲ့ ရွှေ ဖြစ်ကြောင်း
လက်ခမောင်းခတ်ပြီး.. သက်သေပြနိုင်ဖို့
ဒါဟာ... မှတ်ကျောက်တင်ခြင်း..အနုပညာတစ်ခုပါပဲ..

ကိုယ့်ပစ်မှတ်ကိုကိုယ် စိတ်ကြိုက်ရွေးချယ်လို့
ငါတို့... ကိုယ့်အသွားကိုယ်သွေးလိုက်ကြစို့ကွယ်..
မွေးနေ့ဆိုတာ..
အာရုံငါးပါးနဲ့ အဆက်အဆံ အခေါ်အပြောများကြောင်း
တစ်နှစ်တစ်ခါချောင်းချောင်းကြည့်ရတဲ့ စင်တင်ပြဇာတ်လောက်ပါပဲ...

ဘ၀မှာ..
နှစ်ခါမသေပါဘူး.. ညီမရေ..
ငါတို့ကူးနေတဲ့မြစ်ရေဟာ..
မနေ့ကထက်တော့ကြည်လင်လို့....
လှမ်း မျှော်ကြည့်လိုက်စမ်း......
အဲသလို... လင်းပလာမယ့် ကောင်းကင်မှာ...
မင်းအမည်နာမနဲ့ ကြယ်စင်တစ်စင်း... ပြုံးနေတယ်..။

အိန္ဒြာ

(၁၃.၁၀.၂၀၀၉)
(အောက်တိုဘာ ညီအစ်မနှစ်ဦးအတွက်.. လက်ဆောင်မွန်)

~~~~~~~~~~~~~~~~~~~~~

မွေးနေ့လက်ဆောင်အဖြစ် ရင်တွင်းကဗျာလေးတွေ ရေးပေးတဲ့ ကိုမိုးမြင့်တိမ် နှင့် မအိန္ဒြာ တို့အား ကျေးဇူးအထူးတင်ရှိပါတယ်..။

ခင်မင်လေးစားချစ်ခြင်းအားဖြင့်
(ခင်လေးငယ်)