သစ်လွင်တောက်ပ နူးညံ့လတ်ဆတ်တဲ့ ငယ်ဘဝ ပုံရိပ်တွေကို အိပ်မက်ဖို့ တမ်းတရင်း ပူလောင်လွန်းတဲ့ အရောင်စုံ အိပ်မက်ဆိုးတွေသာ တစ်ထပ်ပြီးတစ်ထပ် ဆင့်ကာ ဆင့်ကာပေါ့..။ စံပယ်နံ့တွေ ထုံအီနေတဲ့ အိပ်မက်ဖြူဖြူတွေကို မက်ဖူးခဲ့တာ ကျွန်မပဲလားဆိုတာကို ခပ်ခါးခါး အိပ်မက်အနက်ရောင်တွေနဲ့ တရေးနိုးအထမှာ ကိုယ်တိုင် သံသယတွေ ဖြစ်ရပြန်ပါရော..။
မေမေလိမ်းပေးလိုက်တဲ့ ပါးနှစ်ဖက်ပေါ်က ဝိုင်းစက်နေတဲ့ သနပ်ခါးပါးကွက်လေးနဲ့ ညာပုခုံး သေးသေးလေးပေါ်မှာ အမွေးဖွားဖွားရောင်စုံ လွယ်အိပ်ကလေးကို ကျကျနနလွယ်.. ကော်လံမှာ ဇာပါးပါးလေးထပ်ချုပ်ထားတဲ့ ဆွတ်ဆွတ်ဖြူကျောင်းအင်္ကျီ.. ဒူးခေါင်းပေါ်မှာ ကားကားလေး ဝဲကျနေတဲ့ ကျောက်စိမ်းရောင် ကျောင်းစကပ်လေးရယ်နဲ့ ကျောင်းသွားခဲ့သူ ကျွန်မ...။
ကျောင်းဆင်းချိန်အထိ ပါးပေါ်က ပါးကွက်လေးကို အိမ်အရောက် မပျက်အောင် ပြန်သယ်သွားခဲ့ဖူးသူ.. ငြိမ်သက်အေးဆေးလွန်းသူ ကျွန်မ.. အဒေါ်တွေ အကိုတွေ အမတွေကြားမှာ တစ်နေ့တာ ကျောင်းအတွေ့အကြုံတွေကို ဆံပင်တခါခါ ခေါင်းတမော့မော့နဲ့ ပြန်ပြောရင်း ဖြူဖြူစင်စင် ရယ်မောခဲ့ဖူးသူ ကျွန်မ.. အဲ့ဒီကျွန်မကို ကျွန်မကိုယ်တိုင် လွမ်းဆွတ်နေခြင်းမှာ တချက်ချက်နဲ့ တီးတိုးမြည်တွန်နေတဲ့ ချိနဲ့နဲ့ တိုင်ကပ်နာရီအိုကြီးတစ်လုံးက သနားတဲ့အကြည့်တွေနဲ့ ကျွန်မကို လှမ်းလို့ငုံ့ကြည့်နေတော့ သူ့ကိုတောင် အားနာမှုတွေနဲ့ ပြန်သနားမိရပြန်ပါရောလား..။
မညာတမ်း ပြောရရင်တော့ တွေးမိလာတိုင်း လှိုက်ကနဲ ဝမ်းနည်းတက်လာတဲ့ စိတ်တွေနဲ့ တမ်းတမ်းတတကြီးကို လွမ်းဆွတ်မိနေတာ အမှန်...။ သင်္ကြန်အတုတွေကြားမှာ မပျော်ပါးနိုင်တဲ့ ကျွန်မစိတ်တွေကကော ဘယ်လောက်အထိ စစ်နေပြန်သေးလို့လဲဆိုတာ မဝေခွဲတတ်ပြန်..။ တစ်ခါတစ်ရံတွေမှာ ကိုယ်တိုင်လည်း စိတ်အတုတွေနဲ့ ရှင်သန်နေထိုင်ခဲ့ဖူးတဲ့ နေ့ညတွေ ရှိနေခဲ့မှာပါပဲ...။ အပြုံးအတုတွေကို ပြုံးတတ်ခဲ့တာလည်း လောကကြီးရဲ့ အလှည့်အပြောင်း မာယာ သင်ခန်းစာ အဆင့်ဆင့်ကို တဆင့်ပြီးတဆင့် အောင်မြင်ခဲ့ခြင်းလို့ လက်ခံလိုက်ရ လေမလား..!!
အပြစ်ကင်းစင်လွန်းတဲ့ အပြုံးအရယ်စစ်စစ်တွေနဲ့ ကောင်မလေးတစ်ယောက်ရဲ့ နှစ်လိုဖွယ် သင်္ကြန်တွေ ဘယ်မှာများလဲကွယ်..!! ဖေဖေကိုယ်တိုင် စိတ်ရှည်လက်ရှည် လိုက်မောင်းပေးခဲ့တဲ့ ဂျစ်ကား အဖြူလေးတစ်စင်းပေါ်က ဟက်ဟက်ပက်ပက် ရယ်မောသံတွေရယ်... အပြစ်ကင်းစင်တဲ့ နှုတ်ခမ်းပါးလေး တစ်စုံနဲ့ နူးညံ့သန့်စင် ဝါဝင်းနေတဲ့ ပိတောက်ခက်လေးကို ဖွဖွလေး ထိနမ်းဖူးတဲ့ ကောင်မလေး တစ်ယောက်ကော ဘယ်ရောက်သွားခဲ့ပြီလဲ..!!
ကြည်စင်နေတဲ့ မျက်လုံးရွှန်းလဲ့လဲ့တွေနဲ့ ကောင်မလေးက သူ့ဖေဖေ ယူလာပေးတဲ့ ပိတောက်ခက်လေးရဲ့ သင်းပျံ့နေတဲ့ ပိတောက်နံ့တွေကို အားပါးတရ ရှုရှိုက်ဖူးခဲ့သေးသတဲ့လေ..။ သင်္ကြန်ရေတွေ ရွှဲရွှဲဆိုနေတဲ့ ဆံနွှယ်တွေကို လည်တိုင်လေးမော့ရင်း နေခြည်နုတွေအောက်မှာ ရေစက်လေးတွေ တဖွားဖွား ဖြာဆင်းကျသွားအောင် ဟန်ဆောင်မှုကင်းစွာနဲ့ ခေါင်းလေးကို လှုပ်ရမ်းကာ ခါခဲ့ဖူးတာလည်း အဲ့ဒီကောင်မလေးပါတဲ့...။
“မေမေရေ... သမီး လေယာဉ်ပျံ တောင်ပံကို ကိုကိုကြီး သူ့ကားနဲ့ ဝင်တိုက်လို့ မီးလောင်သွားပြီ”
“ဟာ... မေမေ့သမီး ကျွန်တော့်ကားကို လာဖျက်နေတယ် လုပ်ပါဦးမေမေ..”
“သားကြီးနဲ့ သမီးကြီးရေ... ညီမလေးရဲ့ ကားလေးကို လဲမသွားအောင် ဖေးဖေးမမ ကူတွန်းပေးမှပေါ့ကွယ်...”
အိပ်မက်...!! နိုးးး ကျွန်မရဲ့ သိပ်ကိုချိုမြလွန်းတဲ့ တကယ့် အတိတ်တွေပေါ့..။ ဒါတွေ.... ဒီအဖြစ်ပျက်တွေ အားလုံးဟာ......။
အလွမ်းတွေ အလိမ့်လိမ့်နဲ့ ကျွန်မမျက်နှာပေါ်က အရေးအကြောင်းတွေကို မိတ်ကပ် မဖို့ချင်ဘူး..။ အဲ့လို အချိန်ပေးမဲ့အစား မျက်လုံးလေးမှိတ်ထားရင်း ဖေဖေ့ဂစ်တာသံကို ကျွန်မနားထောင်ရဦးမယ်..။ လူတွေစည်ကားလွန်းတဲ့ ကမ္ဘာ့နံမည်ကြီး နေရာတွေကို ကျွန်မလမ်းမလျှောက်ဘူး..။ ဝရမ်တာလေးမှာ တိတ်တဆိတ်ရပ်လို့ အာရုံတွေနဲ့ လေထဲက ပိတောက်နံ့တွေ ရှုရှိုက်ရဦးမယ်..။ ဂျိုလီ့နှုတ်ခမ်းနှစ်လွှာအတွက် ချီးမွမ်းခန်းတွေဖွင့်ပြနေတဲ့ ဖန်သားပြင်ကို ငဲ့ကြည့်ဖို့ ကျွန်မ မလိုအပ်ဘူး..။ မေမေ့ အပြုံးချိုချိုတွေကို ကျွန်မ အိပ်မက်ရဦးမယ်..။ ပလူပျံနေတဲ့ ကျည်ဆန်ရထားတွေအကြောင်း ကျွန်မနားလည်ဖို့ မလိုဘူး..။ ဖေဖေမောင်းပို့တတ်တဲ့ ကားအစုတ်လေးကို ကျွန်မရင်ဘတ်ထဲက ထုတ်ပြီး ဖုန်သုတ်ရဦးမယ်..။
ကျွန်မ တစ်ယောက်တည်းပါပဲ...။
အဖြူရောင် အတိတ်ကို ပြန်မရောက်နိုင်တော့တဲ့ ကျွန်မက အခုတော့ တစ်ယောက်တည်းပါပဲ...။
16 comments:
မရေ..
Morning ပါနော်း)
မြန်လွန်းတဲ့ အချိန်တွေရယ် ၊ အချိန်တွေကပဲ ကုန်ဆုံးခဲ့တဲ့ အတိတ်တွေရယ် ဖြူစင်ခဲ့ပါတယ်ဆိုတဲ့ နုပျိုချင်းတွေရယ် အရာအားလုံးပာာ ပြန်ပြောင်းမရတော့သလို ၊ တစ်ယောက်ထဲလာခဲ့တဲ့ ဒီခရီးကို နောက်ဆုံးတော့လဲ တစ်ယောက်ထဲပဲ ကျန်ခဲ့မှာပါပဲ ၊ ရှိနေတဲ့ အချိန်မှာ ဖြစ်တည်ရာ အကောင်းဆုံးတွေအဖြစ်နဲ့ အဖြူစင်ဆုံး ဖြတ်ကျော်နိုင်ဖို့ ပြောရတော့မှာပါပဲနော် ဘုရားသခင်ဖန်တီးတဲ့အတိုင်းပေါ့ ......ကိုယ် ကိုယ်တိုင်လဲ ကျိုးစားလို့ ကုန်ဆုံးသွားတဲ့အတိတ်တွေရဲ့ အဖြူရောင် အချိန်တွေအတွက် အစားထိုးဖို့ ရာ အချိန်တွေက အရမ်းကိုကျော်လွန်လွန်း ခဲ့ပါပြီ အတိတ်ဆိုတဲ့အတိုင်း လွမ်းစရာ ကြည်နူးစရာတိုင်းကို အတိတ်အဖြစ်နဲ့ ပြန်ပြောင်း သတိရ မြင်ယောင်ဖို့ ပဲ ရှိပါတော့တယ် .... ဒီတော့ ဖြစ်လာမယ့် အနာဂတ်အတွက် အကောင်းဆုံးကျိုးစား ဖို့ ပဲ ရှိပါတော့တယ် ....။
ချစ်တဲ့
ငြိမ်း
မ
ခုတစ်လေအိမ်လွမ်းနေတယ်လား..
ဒီပိုစ့်လေးဖတ်ပြီး စိတ်မကောင်းဘူး..
ဘယ်လိုဘဲဖြစ်ဖြစ် ငယ်ဘ၀ဆိုတာ အိပ်မက်ဖြစ်သွားခဲ့ပြီနော်.. လက်တွေ့ဘ၀နဲ့ ကွာခြားသွားပြီ..
တမ်းတယုံကလွဲလို့ ဆုပ်ကိုင်လို့မရတော့တဲ့အရာ..
လူတိုင်းကိုယ်စီမှာ အမှတ်ရစရာငယ်ဘ၀အကြောင်းလေးတွေ ရှိကြမှာပါဘဲ... အရေးအဖွဲ့ကောင်းတဲ့ မခင်လေးရဲ့ စာသားလေးတွေကတော့ ယခင်ကလို လတ်ဆတ်ချိုမြိန်နေတုန်းပါဘဲ...
ပျော်ရွှင်တဲ့ ပစ္စုပ္ပန်ကို ပိုင်ဆိုင်ဖန်တီးနိုင်ပါစေ " မ " ရေ
ချစ်တဲ့
ချော
မမခင်လေး..
အခုမနက်မှပဲဖတ်ရတော့တယ်..။အမြဲတမ်းလှပသပ်ရပ်
လှတဲ့စာကိုဖတ်ဖို့မျှော်နေရတာလေ.။စကားလုံးတိုင်းက
လည်းအဓိပ္ပါယ်တွေအပြည့်နဲ့မို့...
စကားလုံးတိုင်းမှာအလွမ်းအဆွေးဝေဒနာတွေ.အတိတ်
ရဲ့ဖြူစင်တဲ့ပန်းချီကားချပ်တွေ.စုစုစည်းစည်းနဲ့ပျော်ရွှင်စွာ
နေခဲ့ရတဲ့မောင်နှမသံယောဇဉ်တွေ.မိသားစုတွေ....
ဒါတွေအားလုံးဟာ တချိန်တုန်းက တကယ့်ကို ကိုယ့်ဘေးနားမှာ ရှိခဲ့.ရပ်တည်နေခဲ့တဲ့.အရာတွေပဲနော်
သဒ္ဓါလည်းလွမ်းသွားရပြီပေါ့ မမခင်လေးရေ..
ချစ်တဲ့
ညီမသဒ္ဓါ
အမရေ..
ဖတ်ရင်းနဲ့ဖြူစင်သောငယ်ဘ၀အတိတ်လေးကို
ထပ်တူခံစား..လွမ်းမိတယ်။
စကားလုံးတိုင်းကအသက်ဝင်နေတယ်။
ခင်မင်စွာဖြင့်
ခိုင်နုငယ်
လေးငယ်ရေ့့့ 
ရေးတတ်လိုက်တာ။ အတိတ်က ချိုမြိန်တာတွေရော၊ ပျော်စရာတွေ၊ သတိရလွမ်းဆွတ်စရာတွေရော အားလုံးကို ခွန်အားတစ်ခုလို အသုံးပြုပြီးတော့ ပစ္စုပ္ပန်အတွက် အကောင်းဆုံးဖြစ်အောင် စွမ်းဆောင်နိုင်ပါစေနော်။
ချစ်တဲ့
လု
ပြက္ခဒိန်တွေ ဟောင်းနွမ်းသွားတာနဲ့အမျှ ပစ္စုပ္ပန်ဝတ်ရုံလွှာတွေ တစ်ထည်ပြီး တစ်ထည် လဲဝတ်ရင်း အတိတ်တမ်းချင်းကို ကျနော်လဲ တစ်ခါတစ်ခါ ဟစ်အော်နေမိတယ်။ ဒါပေမဲ့ နာရီတွေ ပြောင်းပြန်မသွားတာကခက်တယ်နော်။
စာအဖွဲ့အနွဲ့လေးတွေဖတ်ပြီး အဲဒီလို ရေးတတ်ချင်စိတ် ပေါက်မိတယ်။
ခင်မင်လျက်
ကိုကိုမောင်(ပန်းရနံ့)
ဟိုးအဝေးမှာ
ဂါဝန်ဖြူဖြူလေးနဲ့ ဆိတ်ဖလူးပွင့်ကြွေတွေ သီနေတတ်တဲ့ ကောင်မလေးတစ်ယောက်
ကိုယ်ဘယ်လို အော်ခေါ်ခေါ်
သူ .. မကြားတော့ဘူး ...
.............
မနော်
ခင်လေးးးးးးးး
ခုတလော ဓါတ်ခံမကောင်းဘူး..နော်...
စကားလုံးတစ်လုံးချင်းဖွဖွလေးပဲ ဖတ်ကြည့်ရဲပါတယ်...
တစ်ယောက်တည်းပဲ....လေ...
ဒါပေမယ့်
ချစ်တဲ့
မမအိန္ဒြာလိုပဲ ခုတလော နာကျင်စရာများလွန်းလို့ စာကြောင်းတိုင်းကို မရဲတရဲပဲ ချောင်းကြည့်ရဲတယ် ချစ်မလေးရယ်။
အတိတ်ရဲ့ အရိပ်လေးတွေ...ပြန်လည်မြင်ယောင်မိလာတယ်... မမရယ်...
ကိုရင်နော်ကြီးကိုကျော်ပီး ငယ်ဘဝကို သတိရနေတာလား
ဘာပဲပြောပြော။ ထိပ်တည့်တည့်ကနေ လူကို မကြည့်ချင်တဲ့ပုံစံနဲ့ ကျောခိုင်းထားတာတော့ အကောင်းဘူး။
အန်တီခင်ရေ့ ဖတ်ရတာ လွမ်းမိသဗျား။
ဒီစာဖတ်ပြီး ပျောက်ဆုံးနေသောနိဗ္ဗာန်ဘုံ သီချင်းကိုဆက်
နားထောင်နေမိတယ်။
ခင်လေးရဲ့ ..
လူတိုင်းလွမ်းတတ်ကြတဲ့ အလွမ်းကို ခင်လေးရေးတာကြ ဖတ်လို့ကောင်းလိုက်တာ။
ပြန်ပြန်ထုတ်ကြည့်ချင်ဖွယ် အတိတ်တွေရှိတာကိုက တမျိုးကံကောင်းတာနော်။
ခင်မင်လျှက်
ဂျူနီယာလွင်ဦး
မိုးချုပ်တော့မယ် ..
တိမ်တွေကလည်း တောက်ပနေတယ် ..
တပိုင်းတစ်ပျက် သက်တံကလေးဟာ ကဗျာတစ်ပုဒ်ပေါ့ ..
တေးဆိုနေတဲ့ ဌက်ကလေးတွေလည်း အသံတွေတိုးသွားကြပြီ ..
ရှေ့ကမီးပုံပေါ်မှာကင်ထားတဲ့ စာကလေးသုံးကောင်ဟာလည်း ကျက်တော့မယ် ..
ဟီး .. နောက်တာပါ။
အပေါ်ကလူတွေ ရေးသွားကြတာကိုအားကျလို့။
အထွေထူးတော့မဟုတ်ပါဘူးဗျာ၊ စာကဗျာတွေ မခံစားတတ်ပေမယ့် ရောက်ကြောင်းကလေး စာတင်သွားတာပါ။ စိတ်မဆိုးကြေး :-)
Post a Comment